An M16 eo ar fuzuilh-arsailh diazez hag implijetañ gant al lu amerikan a ra gant e stumm M16-A4 hiziv an deiz. E 81 vro e vez implijet an M16.
| M16 (fuzuilh) | |
|---|---|
 Eus an nec'h d'an traoñ : fuzuilhoù-arsailh M16A1, M16A2, M4A1 hag M16A4 | |
| Kinnig | |
| Bro |  Stadoù-Unanet |
| Mont en-dro | Fuzuilh-arsailh aotomatek / damaotomatek |
| Munisionoù | 5,56 × 45 mm NATO |
| Mare implij | Abaoe 1959 |
| Implijet e | Brezel Vietnam, Aloubadeg Grenada gant Stadoù-Unanet Amerika, Aloubadeg Panama gant Stadoù-Unanet Amerika, Brezel Afghanistan (1979-1989), Brezel ar Pleg-mor, Brezel Afghanistan (2001-2021), Brezel Irak ha kalz brezelioù all |
| Pouez ha muzulioù (hervez an adstummoù) | |
| Mas (hep kartouchenn) | Etre 2,89 ha 3,77 kg |
| Mas (karget) | Etre 3,42 ha 4,47 kg |
| Hirder | Etre 986 ha 1.007 mm |
| Hirder ar c'hanol | 508 mm |
| Perzhioù all | |
| Hed-tenn pleustrek | 550-800 m |
| Tizh mont e-maez ar boledoù | 960 m/s |
| Lusk-tennañ | 700-900 tenn/mn |
| Endalc'h | Karger fiñv 20, 30, 40, 60 pe 100 kartouchenn |
| Lezenn | |
| Rummad e Bro-C'hall | A |
Istor
Luziet eo bet ganedigezh ar fuzuilh-arsailh M16. Da zigentañ e oa un adstumm eus ar fuzuilh AR-15 savet gant an embregerezh armoù Armalite e 1958. Dre ma oa diampart a-galz an AR-15 e voe gwerzhet ar brevedoù gant Armalite d'an embregerezh Colt, a resevas un urzhiad a 8.000 fuzuilh evit soudarded ar Strategic Air Command e 1960.
Servijoù ijin lu ar Stadoù-Unanet a c'houlennas 1000 anezho ouzhpenn e 1962, da vezañ kaset da lu Viêt Nam ar Su evit seveniñ un taol-arnod gwirion meur. An taol-se a zegasas nebeud a geloù mat, setu ma voe savet un urzhiad a 85.000 XM16E1 e 1963 da derkañ troadegiezh al lu amerikan ha 19.000 M16 evit an aerlu.
Adal 1964 e voe degemeret an M16 da arm ofisiel an aerlu amerikan, hag adal 1967 evit an droadegiezh. Colt a resevas e 1966 un urzhiad a 850 000 fuzuilh-arsailh M16.
Tro-dro d'an M16
Keñveriet e vez alies, hag en un doare disprizius, an M16 gant an AK-47 soviedel. Lavaret e vez e vefe bet kollet Brezel Viêt Nam dre wall an M-16 [1] [2], ar pezh a zo droch avat rak kollet eo bet Brezel Afghanistan gant URSS daoust da implij an AK-47.
Liammoù diavaez
Notennoù ha daveennoù
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
