![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c6/Museum_of_History_of_Donetsk_metallurgical_plant_%2528012%2529.jpg/640px-Museum_of_History_of_Donetsk_metallurgical_plant_%2528012%2529.jpg&w=640&q=50)
Lapti
From Wikipedia, the free encyclopedia
Ul lapot (skrivet лапоть e ruseg, liester eo lapti)[1] zo ur votez rus graet gant rusk gwez tilh pe bezv pe oulm.
![Thumb image](http://upload.wikimedia.org/wikipedia/commons/thumb/c/c6/Museum_of_History_of_Donetsk_metallurgical_plant_%28012%29.jpg/640px-Museum_of_History_of_Donetsk_metallurgical_plant_%28012%29.jpg)
Anavezet int abaoe ar ragistor. Mouloù koad a servije d'ober anezho zo bet kavet en annezlec'hioù eus nevezoadvezh ar maen.
Gwisket e vezent gant tud paourañ koadoù bras an hanternoz, pe Finned pe Slaved. Aes e vezent d'ober hogen ne badent ket pell.
Douget e veze lapti en Rusia betek er bloavezhioù 1930. Hiziv e vezont gwerzhet d'an douristed pe gwisket da-geñver abadennoù gant dilhad kozh.