Kouronkerezed

Kouronkerezed zo bet livet alies gant an arzourien. Un digarez da livañ maouezed noazh, estreget war o gwele, ne oa ken.

Taolennoù zo a zo bet anvet "Kouronkerez" pe "Kouronkerezed", hep mui, hervez an niver, adalek dibenn an XIX^vet kantved dreist-holl. Meur a abeg zo : plijadur daoulagad ar baotred dirak korfoù maouezed, ha plijadur al livour o tiskouez e varregezh da livañ kened ar c'horfoù-se.

Er c'hantvedoù kent e veze poltredet doueezed Hellaz pe Roma, Artemis-Diana da skouer, ha Nimfezed ha Nereidezed, o kouronkañ. Talvezout a rae ar mojennoù kozh rakkristen da zigarez da ziwiskañ ar c'horfoù.

Met adalek an XIX^vet kantved ne voe ket ezhomm ken eus digarez an Henamzer evit livañ korfoù maouezed en o noazh : re all, diouzh ezhomm, a voe kavet.

Gant an doug d'ar reter e veze diskouezet, d'ur poent, merc'hed o kouronkañ en harem, gant Dominique Ingres hag e ziskibien da skouer.

N'eo ket kouronkerezed avat en deus livet Paul Gauguin e Pont-Aven, met kouronkerien. Moarvat n'halle lavarout livañ merc'hed ar vro en noazh dirazañ. E Tahiti e voe aesoc'h dezhañ.

A-hend-all e ranker diwall da faziañ gant an taolennoù anvet "Baigneuses" e galleg : darn zo kouronkerezed, darn all kibellerezed.

Taolennoù

Diana o kouronkañ, zo bet livet gant François Clouet, Rembrandt, ha gant Boucher. Livet ez eus bet ivez itronezed gwisket evel Diana gant an arzourien.
Ganedigezh Gwener, ganet eus ar mor, zo bet livet meur a wech.
Ar c'houronkerezed, zo anv meur a daolenn, en o zouez reoù gant Gauguin, Cézanne, Courbet, Picasso.

Kouronkourezed gant Pierre-Auguste Renoir
Les Grandes Baigneuses (1887)
La Baigneuse (1892)
La baigneuse endormie (1897)

Kouronkourezed all
La Femme dans les vagues
Gustave Courbet, 1868
Despues del baño ("Goude kouronkañ")
Raimundo Madrazo (c. 1895)
En dour
Eugene de Blaas (1914)

Filmoù

Kouronkerezed brudet zo bet e filmoù ivez. Ar re vrudetañ anezho eo Ursula Andress ha Julie Adams.

Commons

Muioc'h a restroù diwar-benn

Kouronkerezed

a vo kavet e Wikimedia Commons.