Glock (embregerezh)

Glock GmbH, anvet alies GLOCK, zo un embregerezh armoù skañv savet e 1963 ha diazezet e Deustch-Wagram (Aostria)^[1]. Dont a ra e anv eus hini e saver Gaston Glock (1929-2023). Brudet eo an embregerezh evit e bistolennoù damsavet e polimer abaoe 1981. Labouradegoù an embregerezh a gaver e Aostria, e Smyrna (Georgia, Stadoù-Unanet Amerika) ha Bratislava (Slovakia).^[2]

Logo an embregerezh Glock.

Produioù

Glock 17 Rummad 1 implijet gant arme Norvegia

Pistolennoù

Kalz adstummoù eus ar pistolennoù Glock zo bet produet abaoe an hini kentañ anezhe, ar Glock 17, brevetaet e 1981^[1]. Memes ma ne oa ket ar bistolenn gentañ dezhi ur framm polimer (an hini gentañ, an Heckler & Koch VP70, a oa bet ijinet e 1970), berzh a reas hag implijet e vez hiziv e armeoù ha polisoù meur a vro, en o zouez SUA, Frañs, Kanada, Rouantelezh-Unanet, Republik Korea ha kalz reoù all.

Produioù all

Kontell Glock Feldmesser 78

• kontilli emgann (Feldmesser 78 ha Feldmesser 81)^[1]
• palioù evit an arme (Feldspaten)
• gouleier laser ha poentoù ruz da vontañ war an armoù

Izembregerezhioù

• Glock America N.V. (Uruguay)
• Glock, Inc. (Stadoù-Unanet Amerika)
• Glock Middle East FZE (Emirelezhioù Arab Unanet)
• Glock do Brasil S.A. (Brazil)

Daveennoù

1. Glock History war lec'hienn an embregerezh (lennet d'an 11/02/2024) (saozneg)
2. Production sites war lec'hienn an embregerezh (lennet d'an 11/02/2024) (saozneg)