![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/67/Fries_2.jpg/640px-Fries_2.jpg&w=640&q=50)
Fritez
From Wikipedia, the free encyclopedia
Fritez zo bazhigoù avaloù-douar fritet en eoul, en un ardivink anvet friterez. Tomm e vezont debret, blot pe vrusk, moan pe dev. Unan eus an dek meuz muiañ debret er bed eo deuet da vezañ[1], e-kichen ar pizza hag an toazennoù. Debret e vezont gant un tamm kig pe besked alies. Lakaet e vez holen warno peurliesañ, a-wechoù maionez, ketchup, sezv hag all.
![Thumb image](http://upload.wikimedia.org/wikipedia/commons/thumb/6/67/Fries_2.jpg/640px-Fries_2.jpg)
11 milion a donioù fritez a vez debret er bed bep bloaz[2]. Belgia eo ar vro hag a ezporzh anezho ar muiañ er bed[3], hag ar Velgiz eo ar re a zebr ar muiañ anezho dre annezad er bed[4]. Dizemglev zo etre Bro-Velgia ha Bro-C'hall evit bezañ anavezet evel ar vro he doa ijinet ar fritez.
Al lodenn vrasañ eus ar fritez debret er bed zo boued greantel gourskornet. Abaoe 2010 a vez gwerzhet fritez gourskornet a c'hall bezañ poazhet er forn pe er skinforn. Meuzioù broioù zo zo fritez enno, evel ar fish and chips saoz, ar meskl-ha-fritez belgiat pe ar poutine kebekat.