Ur frezenn zo ur seurt kolier danvez a veze en-dro da c'houzoug gwazed ha maouezed an noblañs er XVIvet kantved. Dantelezhet e veze alies.
Dont a ra ar ger eus an anv gallek fraise, hogen n'eo ket eus ar frouezh, ar sivi, met eus anv bouzellenn al leue.
Herri Iañ, dug Guise, ur frezenn en e gerc'henn, 1588.Frezenn gant Marie Vignon, 1620
Dont a ra ar frezenn eus ar plegoù a veze graet da vord ar rochedoù ha hivizhoù. Munud eus ur poltred eus Frañsez Iañ gant Jean Clouet (Mirdi al Louvre).
Poltred ar rouanez Caterina de' Medici. Bord hiviz ar rouanez a dap betek dindan he groñj, met n'eo ket ur frezenn da vat c'hoazh rak n'eo ket ingal ar godronoù (war-dro 1555).
Er bloavezhioù 1560 eo e teuas ar frezenn war wel. Aozet e oa gant godronoù ingal, ha distag e oa eus ar roched. Uhelaat a ra adalek ar gerc'henn ha ledanaat. An darn vrasañ eus ar maouezed a laka ar frezenn war ur c'holierig.
1 - war-dro 1557
2 - 1559
8 -war-dro 1560
4 - war-dro 1562
5 - 1566
6 - war-dro 1565
7 - war-dro1565
Poltred Antoine de Bourbon, ar frezenn a deu e-maez ar c'holier
Giz ar frezenn a vo goapaet e-pad ur charivari e foar Saint Germain e miz C'hwevrer 1579: studierien a zibuno er straed, gwisket gant pikoloù frezennoù paper gwenn, hag o huchal: À la fraise on reconnaît le veau! ("Diouzh ar frezenn ec'h anavezer al leue!")[1].