Franz Josef Huber
From Wikipedia, the free encyclopedia
Franz Josef Huber (München, 22 Genver 1902 – idem, 30 Genver 1975) a oa ur c'hargad SS hag a voe ofiser a bolis ha surentez koulz e Republik Weimar (1919-1933) hag en Trede Reich (1933-1945).
Franz Josef Huber | |
---|---|
München, 1939 – A gleiz da zehoù : Franz Josef Huber, Arthur Nebe, Heinrich Himmler, Reinhard Heydrich ha Heinrich Müller | |
Ganedigezh | 22 Genver 1902 München Bavaria Impalaeriezh Alaman |
Marv | 30 Genver 1975 München Republik Kevreadel Alamagn |
Feizleunder | Trede Reich |
Remzad | 1933-1945 |
Renk | SS-Brigadeführer Generalmajor der Polizei |
Servij | Polis München 1922–1934 Gestapo 1934–1945 |
Kargoù | Penn ar Sicherheitspolizei (SiPo) Penn ar Gestapo (Wien, Danav-Izel, Danav-Uhel) |
a vo kavet e Wikimedia Commons.
E 1937 ez emezelas er Strollad Nazi, ma labouras gant Heinrich Himmler, penn ar Gestapo. Goude an Anschluss, destagadur Aostria d'an 12 a viz Meurzh 1938, e voe anvet Huber da benn Polis ar Surentez (Sicherheitspolizei, SiPo) e Wien ha da benn Polis Kuzh ar Stad (Geheime Staatspolizei, Gestapo) e Wien hag ar rannvroioù Niederdonau (Danav-Izel) hag Oberdonau (Danav-Uhel). P'edo e karg e voe hangaset a-yoc'h Yuzevion e dachenn.
Biken ne voe kondaonet goude an Eil Brezel-bed ; implijet e voe gant Servijoù kuzh Republik Kevreadel Alamagn adalek 1955 betek 1964, kent e varv e München e 1975 d'an oad a 73 vloaz.