From Wikipedia, the free encyclopedia
An Erzgebirge (en alamaneg) pe Krušné hory e tchekeg) (da lavarout eo « Menezioù Kailh ») zo un aradennad venezioù war an harzoù etre Alamagn hag ar Republik Tchek.
En em astenn a ra an Erzgebirge a-hed 150 km hag a-led un 40 km bennak. Ar menez Klínovec (pe Keilberg) eo ar gern uhelañ (1244 m), e Tchekia, hag ar menez Fichtelberg eo an eil uhelañ (1214 m), en Alamagn. Gant aradennad an Erzgebirge eo dispartiet Saks diouzh Bohemia.
Er Grennamzer e oa goloet ar vro gant koadoù stank ha ne oa ket kalz a dud o chom enni. Er XVvet kantved e oa bet kavet kailh arc'hant ha staen en tolead ha deredek a reas tud e-leizh d’ar menezioù da vevañ ha da sevel kêrioù nevez enno. Abalamour d’an danvezioù-se e voe graet « Erzgebirge » eus ar vro (diwar ar gerioù Erz a dalvez kement ha "kailh" ha Gebirge a dalvez kement ha "menezioù"), pa veze anvet Böhmischer Wald, Beheimer Wald, Behmerwald pe Böhmerwald gwechall (da lavarout eo "Koad Bohemia"). Metaloù all zo bet eztennet er vro : houarn, kouevr, uraniom... Met da hesk eo aet ar gweleadoù anezho bremañ. Ha deuet eo an Erzgebirge da vezañ menezioù darempredet evit ar sportoù goañv dreist-holl.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
