Ar tchekeg (tchekeg: čeština) zo ur yezh indezeuropek eus skourr yezhoù slavek ar c'hornôg. Komzet e vez gant tost da 12 milion a dud er Republik Tchek (e-lec'h ma 'z eo ar yezh stad), e Slovakia, en Aostria (e-lec'h ma 'z eo anavezet gant ar stad) ha gant Tcheked divroet er bed a-bezh. Abaoe 2004 ez eo ar Tchekeg unan eus yezhoù ofisiel Unaniezh Europa. Kar eo d'ar slovakeg betek ma n'eo ket diaes da slovakegerien ha tchekegerien en em gompren an eil egile.
|
Tchekeg | ||
|---|---|---|
| Komzet e: | Republik Tchek, Slovakia, Aostria ha broioù all zo | |
| Niver a yezherien: | 12 milion | |
| Renkadur: | 73 | |
| Familh yezh: |
Indez-europat | |
| Statud ofisiel | ||
| Yezh ofisiel : | Republik Tchek, Unaniezh Europa | |
| Akademiezh: | Akademie věd, Ústav pro jazyk český | |
| Kod | ||
| ISO 639-1: | cs | |
| ISO 639-2(B): | cze | |
| ISO 639-2(T): | ces | |
| ISO 639-3: | ces | |
| SIL: | czc | |
Levezonet en deus ar tchekeg rannyezhoù alamanek zo, dreist-holl ar vienneg, war dachennoù ar c'heriaoueg hag ar gevreadurezh.
Teir rannyezh a zo: hini Bohemia, hini Moravia hag al Lac'heg (lašský jazyk) komzet e rannvro Těšín.
| A a | Á á | B b | C c | Č č | D d | Ď ď | E e | É é | Ě ě | F f |
|---|---|---|---|---|---|---|---|---|---|---|
| /a/ | /a:/ | /b/ | /ts/ | /tʃ/ | /d/ | /ɟ/ | /ɛ/ | /ɛ:/ | [e, je] | /f/ |
| G g | H h | Ch ch | I i | Í í | J j | K k | L l | M m | N n | Ň ň |
| /g/ | /ɦ/ | /x/ | /i/ | /i:/ | /j/ | /k/ | /l/ | /m/ | /n/ | /ɲ/ |
| O o | Ó ó | P p | Q q | R r | Ř ř | S s | Š š | T t | Ť ť | |
| /o/ | /o:/ | /p/ | [kv] | /r/ | /ɼ/ [ɼ, r'] | /s/ | /ʃ/ | /t/ | /c/ | |
| U u | Ú ú | Ů ů | V v | W w | X x | Y y | Ý ý | Z z | Ž ž | |
| /u/ | /u:/ | /u:/ | /v/ | /v/ | [ks] | /i/ | /i:/ | /z/ | /ʒ/ |
Brudet eo ar tchekeg evit e c'herioù hep vogalenn ebet evel blb ("genaoueg") ha krk ("gouzoug"). Ret eo anzav e c'hell ar c'hensonennoù /l/ ha /r/ bezañ implijet evel vogalennoù, ha neuze n'eo ket ar gerioù-mañ hep vogalennoù pa vo lavaret mat.
Ur frazenn vrudet: Strč prst skrz krk!("Laka da viz ez korzailhenn!")
War ar silabenn gentañ emañ an taol-mouezh e tchekeg, ha hed ar vogalennoù a zo distag dioutañ, evel en anv Jiří ['jiɼi:] ("Jord").
- Dictionnaire Freelang Geriadur tch.-gall./gall.-tch.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
