Ergyng a oa ur rouantelezh kozh eus Kembre, er vro a zo breman Herefordshire, etre ar stêrioù Menoe ha Gwy. Enni e oa ivez un darn eus kontelezh Gwent, hag ar gêr roman gozh Ariconium (Weston under Penvard) e oa he c’hêr-benn gentañ moarvat. Eus anv ar gêr-benn e teu anv ar rouantelezh. Archenfield e voe anvet gant ar Saozon.
E 474 e voe krouet gant Gwrfoddw Hen. A-raok-se e oa un darn eus rouantelezh Gwent. Ne badas ket pell he frankiz, avat, rak merc’h roue Glywys a zimezas da v-Meurig Gwent war-dro 570 ha goude 590 e voe unvanet Ergyng gant Gwent.
Adsavet e voe ar rouantelezh gant Erb ap Erbic ap Meurig, roue Gwent, evit e vab Pebiaw Gladrog ab Erb. E genderv, Gwrgan Fawr, e oa roue pennañ e remziad. War a greder, en deus renet war un darn vras eus Morgannwg, marteze betek ar stêr Nedd, er c'hornôg. Ne badas ket ar rouantelezh goude marv he roue diwezhañ Athrwys ha staget e voe ouzh rouantelezh Gwent gant ar roue Meurig, a oa dimezet da verc’h Gwrgant Fawr.
Gant ar Saozon e voe staget he douaroù un tammig a-raok aloubadeg an Normaned.
- Gwrfoddw Hen : 474
- Glywys : 570
- Renet gant rouaned Gwent : 590 - 610
- Pebiaw Gladrog ap Erb : 610
- Gwrgant Fawr : 630
![](http://upload.wikimedia.org/wikipedia/commons/thumb/6/66/Erica_cinera0.jpg/55px-Erica_cinera0.jpg)
![](http://upload.wikimedia.org/wikipedia/commons/thumb/c/c2/Triple-Spiral-Symbol-filled.svg/45px-Triple-Spiral-Symbol-filled.svg.png)
Gwelout ivez : Ar Gelted • Ogham • Yezhoù keltiek • Rouantelezhioù brezhon • Enez Vreizh • Galia
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.