Embannadurioù Al Liamm
From Wikipedia, the free encyclopedia
Embannadurioù Al Liamm zo un ti-embann brezhonek krouet gant Ronan Huon, stag ouzh ar gelaouenn lennegel brezhonek Al Liamm-Tir na Óg, houmañ ur gevarzhe hervez lezenn 1901. Un hêr eeun da Walarn, pa voe meur a den pouezus en Emsav sevenadurel brezhonek kent an Eil Brezel-bed o sevel skridoù evitañ, en o zouez Roparz Hemon, Abeozen, Youenn Drezen, Yeun ar Gow ha Zavier Langleiz[1]. Ur roll eus ar bouezusañ en doe, koulz evit kendalc'h gant embann ul lennegezh a live uhel hag evit skignañ oberennoù brezhonek lies o seurtoù hag an ostilhoù gallek evit deskiñ ar yezh. Ar sez a voe e Brest[2], nemet e-pad ur prantad berr e 2000-2004, ma voe An Here e karg eus ar gwerzhañ. Pelloc'h, goude marv Ronan Huon e 2003 e voe kaset da di e vab, Tudual Huon, rener an embann war e lec'h, e Dirinonn hag e Kemper war lerc'h. Kevredet eo (Embannadurioù) Al Liamm e-barzh Kuzul ar Brezhoneg, ha p'emañ burevioù Kuzul ar Brezhoneg e Lannuon, c'homlec'h ti-embann evit an diavaez eo.
Deiziad krouiñ | 1948 ![]() |
---|---|
Stad | Frañs ![]() |
Lec'hienn ofisiel | http://www.alliamm.bzh ![]() |