![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/07/Big_Spring_Missouri_1-02Aug08.jpg/640px-Big_Spring_Missouri_1-02Aug08.jpg&w=640&q=50)
Eienenn
From Wikipedia, the free encyclopedia
Un eienenn pe ur vammenn, pe un andon, zo ul lec'h ma teu dour eus an akwifer er-maez eus an douar (pedosferenn). Un elfenn eus an hidrosferenn eo. A-bouez eo bet ar mammennoù e-pad pell evit an dud da bourchas dour dous, er broioù krin dreist-oll ma vez dister a-walc'h ar glaveier. Lod zo bet kempennet gant an dud ha graet e vez feunteunioù anezho.
![Thumb image](http://upload.wikimedia.org/wikipedia/commons/thumb/0/07/Big_Spring_Missouri_1-02Aug08.jpg/640px-Big_Spring_Missouri_1-02Aug08.jpg)
![Thumb image](http://upload.wikimedia.org/wikipedia/commons/thumb/f/f6/Nacentemackinac.jpg/320px-Nacentemackinac.jpg)
![Thumb image](http://upload.wikimedia.org/wikipedia/commons/thumb/5/54/Siemiradzki_By_the_spring.jpg/640px-Siemiradzki_By_the_spring.jpg)
Ar mammennoù a vez krouet dindan levezon nerzhioù naturel disheñvel, e-giz ar graviter hag ar gwask hidrostatek. Ar c'hementad dour a daolont a ya eus tost mann ebet betek ouzhpenn 14 000 l/s evit an andonioù brasañ[1].
Dont a ra dour an eien da gemer stumm ur ruzelenn peurvuiañ, pe ur wazh, a-raok mont da stêr a-wechoù. Met gallout a ra an eien bezañ er mor ivez, pe stok outañ. Gallout a ra o dour bezañ lonket en douar kenkent ha difluket e-maez.