![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/eb/TurkeyBodrumCastle.jpg/640px-TurkeyBodrumCastle.jpg&w=640&q=50)
Bodrum
From Wikipedia, the free encyclopedia
Bodrum (distaget [ˈbodɾum] e turkeg) zo ur gêr eus mervent Turkia, e proviñs Muğla. Ur porzh eo, en arvor Mor Egea, war lez pleg-mor Gökova. E 2013 e oa 36 401 a dud o chom e Bodrum.
![Thumb image](http://upload.wikimedia.org/wikipedia/commons/thumb/e/eb/TurkeyBodrumCastle.jpg/640px-TurkeyBodrumCastle.jpg)
Dont a ra an anv Bodrum eus an anv latin Petronium, abalamour ma voe savet ur c'hastell eno er XVvet kantved gant marc'heien Urzh Sant Yann Jeruzalem, hag a oa anvet "Kastell Sant Pêr". En Henamzer e oa eno ur gêr anvet Halikarnassos ( Ἁλικαρνασσός en henc'hresianeg). Brudet eo dre ma oa enni Mozoleon Halikarnassos, ur bez meur savet evit Mausolos, roue Karia, hag a zo unan eus Seizh Marzh an Henved.