Bannieloù aroueziañ war vor

Kod Etrebroadel an Arouezioù (ICS / International Code of Signals) a reer eus ur reizhiad arouezioù hag a ro tro da forzh pe vag er bed da eskemm kemennadennoù gant forzh pe lestr all.
E miz Gwengolo 1965 e voe degemeret en Aozadur ar Broadoù Unanet gant an IMCO/OMCI (Inter-Governmental Maritime Consultative Organization/Organisation Maritime Consultative Intergouvernementale)^[1].

Savet eo diwar 26 arouez al lizherenneg latin hag an dek sifr eus 0 da 9.
Gitonioù eo al lizherennoù A ha B, bannieloù al lizherennoù C betek Z ; bannieloù dibar a anver seizennoù e yezh ar voraerion eo ar sifroù.
Ouzhpenn ar 36 arouez-se ez eus 4 all, tric'hornek o stumm, hag a dalvez da addiskouez un arouez kent pa ne vez ket a-walc'h ag arouezioù e bourzh.

Meur a zoare zo da implijout an arouezioù :

• a lizherenn da lizherenn evit digejañ ur giminiadezh ;
• dre ster etrebroadel pep arouez ;
• dre vodañ arouezioù da stummañ ur ster etrebroadel anavezet gant pep lestr a-drugarez d'un teuliad hag a chom e bourzh — ar SHOM 32 eo evit Breizh ha Bro-C'hall^[2].

Ouzh un driñs e vez diskouezet an arouezioù, eus al laez d'an traoñ en ul lezel lec'h evit un arouez etre pep ger.

Kod al lizherennoù ha talvoudegezh

Ouzhpenn aroueziañ ul lizherenn dre ziskouez e vez anvet pep banniel hervez kod an nijerezh trevourel, bet termenet gant an ICAO||OACI (International Civil Aviation Organization||Organisation de l'Aviation Civile Internationale).
Pep banniel a zoug ur gemennadenn dispar, pa ne vez ket savet en e unan pe vodet gant unan arall.

• Dindan pep banniel emañ al lizherenn e lizherenneg Morse.

A ALFA • — « Splujer dindan vor ; chomit a-vaez ha mordoit gorrek. » B BRAVO — ••• « O kargañ, o tiskargañ pe o tougen danvez dañjerus. » C CHARLIE — • — • 1. « Ya. » 2. « Diogelus e oa ar gemennadenn gent. » D DELTA — • • « Chomit a-vaez din, diaes eo din leviata. » E ECHO • « Kemmet ma fenn, emaon o tont war stribourzh. » F FOXTROT • • — • « Distur emaon ; deuit e darempred ganin. » G GOLF — — • 1. « Ul loman am eus ezhomm. » 2. Pesketa : « Emaon o c’horren ma rouedoù. » H HOTEL • • • • « Loman e bourzh. » I INDIA • • « Kemmet ma fenn, emaon o tont war vabourzh. » J JULIET • — — — 1. « Chomit a-vaez ; tan-gwall e bourzh ha danvez dañjerus ganin. » 2. « Danvez dañjerus o fuañ. » K KILO — • — 1. « Fellout a ra din mont e darempred ganeoc’h. » 2. « Komzit. » L LIMA • — • • 1. « Chomit a-sav diouzhtu. » 2. Er porzh : « Lestr e dale-porzhiañ. » M MIKE — — « Paouezet eo ma bag ha n’he deus ket a herr ken. »

N NOVEMBER — • 1. « Nann. » 2. « Nac'hus e oa ar gemennadenn gent. »[3] O OSCAR — — — « Un den er mor. » P PAPA • — — • 1. Er porzh : « An holl dud da vont e bourzh, ret d'ar vag mont kuit. 2. War vor, pesketa : « Sac’het eo ma rouedoù. » 3. War vor, dre son: « Ul loman am eus ezhomm. » Q QUÉBEC — — • — « Salv eo ma bag, goulenn a ran gwir da dremen. » R ROMEO • — • – Arouez argerzhadur - Ne vez ket implijet en e unan – S SIERRA • • • « War-souz emaon. » T TANGO — Pesketa : « Chomit a-vaez, emaon o pesketa a-zaou. » U UNIFORM • • — « Emaoc’h o vont war goll. » V VICTOR • • • — « Sikour am eus ezhomm. » W WHISKEY • — — « Ur mezeg am eus ezhomm. » X X-RAY — • • — « Paouezit da embreger ha taolit pled da 'm arouezioù. » Y YANKEE — • — — « Emañ ma eor o stlejañ. » Z ZULU — — • • 1. « Ur ramoker am eus ezhomm  2. Pesketa : « Emaon o teuler ma rouedoù. »

Arouezioù div lizherenn enno

Kemennadennoù resis a c'heller kas dre implijout 2 lizherenn ; kantadoù anezho zo er SHOM 32, pa glasker plediñ gant kement darvoudenn hag a c'hellje c'horvezout pa vezer o verdeiñ.
Setu amañ un nebeud anezho.

AC   « Dilezel a ran ma lestr. » BR   « Goulenn a ran ur viñsaskell diwar vall. » CL   « Kinniget em eus sikour, met nac'het eo bet.» DX   « Emaon o vont d'ar strad. » EP   « N'ho kwelan mui. » FO   « Chom a rin en o kichen. » GZ   « An holl dudzo bet saveteet. » HD   « Ha gallout a ran treuzkas an dud saveteet d'ho pourzh ?. » IO   « Ne'm eus splujer ebet. » JK   « Emaon sko er gourlen. » KC   « Liñvet eo ma stradoù. » LI   « Buanaat a ran. » MY   « Dañjerus eo chom a-sav. »

NH   « E-maez pep dañjer emaoc'h. » OI   « Ne'm eus radar ebet. » PQ   « Kit tostoc'h d'an aod. » QU   « Berzet eo eoriañ. » RL   « Lazhit hoc'h ijinoù diouzhtu. » SD   « N'on ket prest da vont kuit. » TH   « Merdeit gant evezh. Emaoc'h o trivañ war-du ma rouedoù. » UQ   « Gortozit a-vaez d'ar porzh. » VO   « Ha skorn zo bet war ho hent ? » WL   « Ar skorndorrer a baouez da labourat e-pad an nozvezh. » XP   « Emaon difiñv en ul latar stank. » YM   « Piv zo ouzh ma gervel ?. » ZE   « Deuit da hed arouezioù gweledel. »

Kod ar sifroù

Seizennoù int, evit o diforc'hañ diouzh gitonoù ha bannieloù al lizherennoù.

0 NADAZERO 1 UNAONE 2 BISSOTWO 3 TERRATHREE 4 KARTEFOUR

5 PANTAFIVE 6 SOXISIX 7 SETTESEVEN 8 OKTOEIGHT 9 NOVENINE

Ar bannieloù ZA a ziskouezer evit lavarout « C'hoant am eus da gehentiñ ganeoc'h. ». Ar sifr a ziskouezer da heul ZE a resisa ar yezh : ZE0 : en izelvroeg ZE5 : en italianeg ZE1 : e saozneg ZE6 : e japaneg ZE2 : e galleg ZE7 : e norvegeg ZE3 : en alamaneg ZE8 : e ruseg ZE4 : e gresianeg ZE9 : e spagnoleg

Bannieloù erlerc'hiañ

Pa ne vez nemet ur rumm arouezioù e bourzh ne c'heller ket diskouez meur a wech an hevelep banniel en ur bomm ; gant banielloù erlerc'hiañ e reer neuze.

Bannieloù erlerc'hiañ Erlerc'hier 1 Evit addiskouez ar banniel kentañ. Erlerc'hier 2 Evit addiskouez an eil banniel. Erlerc'hier 3 Evit addiskouez an trede banniel. Erlerc'hier 4 Evit addiskouez ar pevare banniel.

Skouerioù SN1M     « SNSM » TRUM4      « TRUMM » NA13     « NANN » BAR32D       « BARRAD »

Kod AFNA

Ouzhpenn lizherenneg etrebroadel an arhentañ mor e ra AFNA gant ar c'hod ATP 1A (Allied Tactical Publication n°1-A) evit pellgehentiñ etre listri-brezel.
A-wechoù e vez feurmet pe zeoget listri gant AFNA ; dre ma 'z eo ATP 1A ur c'hod dangel evit an difenn e rank al listri brezel pellgentiñ gant al listri all dre ar c'hod etrebroadel. Ur seizenn arbennik, anvet « seizenn ar c'hod » – Answer e saozneg – a vez gorreet kent ar gemennadenn neuze, evit merkañ e rank bout lennet e SHOM 32 e-lec'h ATP 1A.

ANS Answer « Respont » / Code « Kod » 0 1 2 3 4 5 6 7 8 9 CORPEN « Hent kemmet »

DESIG Designation « Dezanvadur » DIV Division « Rann » EMERG Emergency « Mall » FLOTILA Group « Strollad / Flodilh. » FORM Formation « Furmadur. » INT Interrogation « Goulenn » NEGAT Negative « Nann » PORT Port « Babourzh » PREP Prepare « Prientit » SCREEN Screen « Skramm » SPEED Speed « Tizh. » SQUAD Squadron « Skouadrenn » STATION Station « Arsav » STBD Starboard « Tribourzh » SUBDIV Subdivision « Isrann » TURN Turn « Troit »

Notennoù

1. Adanvet IMO/OMI (International Maritime Organization/Organisation Maritime Internationale) e 1982.
2. (fr) SHOM 32
3. Ne c'hall al lizherenn-mañ bout kaset nemet dre ziskouez pe dre son ; ret eo implijout an arouez « NO » evit e gas dre vouezh pe dre skingomz.