![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f8/Visconti%252C_Azzone.jpg/640px-Visconti%252C_Azzone.jpg&w=640&q=50)
Azzone Visconti
From Wikipedia, the free encyclopedia
Azzone Visconti (1302 - 1339) a oa aotrou kêr Milano adalek 1327.
![Thumb image](http://upload.wikimedia.org/wikipedia/commons/thumb/f/f8/Visconti%2C_Azzone.jpg/320px-Visconti%2C_Azzone.jpg)
Mab e oa da Galeazzo Iañ Visconti (1277 - 1328) ha da Beatrice d'Este (1268-1334), merc'h da Obizzo II d'Este[1], aotrou Ferrara ha Modena.
E miz Mae 1322, e voe roet, dezhañ ha d'e vamm Beatrice, gant e dad, gouarnamant Piacenza ; e miz Here e rankas Azzone ha Beatrice tec'hel eus kêr a oa emsavet ha klask repu da gêr Cremona. E miz Gwengolo 1325 e kemeras perzh en emgann Altopascio, pa voe trec'h e dad Galeazzo Iañ Visconti war armeoù Firenze, e tu ar Welfed (guelfi ), kaset gant ar jeneral aragonat Raymond Ier de Cardone. Azzone a voe gwelet neuze evel ur brezelour kadarn ha haroz ar c'hibelined .
Torret e voe e dad a garg e Milano d'ar 5 a viz Gouhere 1327. Azzone a reas neuze e seizh gwellañ da adkemer Milano .
D'ar 7 a viz Genver 1328, e oa deuet da gurunidigezh an impalaer Ludwig Bavaria ha bloaz goude, d'ar 15 a viz Genver 1329, e voe anvet gantañ da vikel impalaerel e Milano gant paeañ ur bern arc'hant (pe 60 000 pe 125 000 florin) ha ne baeas ket penn-da-benn.