Anime (japaneg アニメ), diwar animēshon (アニメーション) eo anv hollek an tresadennoù-bev – filmoù ha stiradoù – a vez savet e Japan.
アニメーション Animēshon a vez lavaret gant filmaozerien Japan, diwar ar saozneg pe ar galleganimation, "blivadur". Japanim pe japanimation a lavarer ivez[1].
Wikipe-tan e doare un anime
Un dudenn en un anime
Manga eiga (film manga) a veze implijet da envel an tresadennoù-bev a zo diazezet war mangaoù.
Ledanoc'h eo ster anime, a dalvez da envel ivez ar stiradoù hag ar filmoù blivet ha n'int ket diazezet war mangaoù.
Seurtoù anime
Meur a seurt anime a zo.
Ar stiradoù, a vez skignet er skinwel. War-dro 20 munutenn e pad pep pennad peurliesañ, an niver a bennadoù o vezañ kemm-digemm avat.
An Original Video Animation (OAV), a zo anime da vezañ gwerzhet e video. A-fet teknik ez int gwelloc'h evit ar stiradoù: muioc'h a amzer evit o sevel, budjedoù brasoc'h.
Ar filmoù, a vez diskouezet er salioù sinema, gant budjedoù brasoc'h c'hoazh.
Geriaoueg
Geriaoueg saoznek ar sinema a vez implijet ivez gant ar dud a sav anime.
Filler: pennad dibar, e diavaez ar manga orin.
Prequel: pennad produet goude ar rummad pennañ, met diwar-benn un istor kent.
Martínez, D. Gender (1998), Shifting Boundaries and Global Cultures: The Worlds of Japanese Popular Culture, Cambridge University Press, ISBN 978-0-521-63128-0(en)