An Tri Romant (Y Tair Rhamant e kembraeg) eo an anv roet hiziv da deir danevell gembraek (pe grenngembraek) eus ar Grennamzer, a vez staget ouzh kelc'hiad ar Mabinogion.
O anvioù
Sede anvioù kembraek an tri romant:
- Iarlles y Ffynnon (Itron ar Feunteun) pe Owain
- Peredur fab Efrawg (Peredur mab York)
- Geraint ac Enid ( Geraint hag Enid) pe Geraint fab Erbin
Dont a reont, pe evit un darn, pe en o fezh, eus Llyfr Gwyn Rhydderch pe eus Llyfr Coch Hergest.
Chrétien de Troyes
Seblantout a reont bout doareoù eus kelc'hiad an Daol Grenn, a gaver o far en oberenn c'hallek Chrétien de Troyes, skrivagner eus dibenn an XIIvet kantved. Setu anvioù an oberennoù gant an oberennoù gallek a glot ganto:
- Iarlles y Ffynnon hag Yvain ou le Chevalier au lion
- Peredur fab Efrawg hag Perceval ou le Conte du Graal
- Gereint ac Enid hag Érec et Énide.
Orin
Kaoz a zo bet etre arbennigourien da c'houzout pe e oa bet savet ar c'hontadennoù kembraek diwar oberenn ar romantour gallek, pe e teuont eus an hevelep stivell. War a seblant e teuont eus romantoù Chrétien, goude ma ne vije ket war-eeun, hag awenet e vije bet ar Gall gant mojennoù keltiek koshoc'h, anavet gantañ.
Levrlennadur
- Y tair rhamant- skrid nevesaet gant Bobi Jones. Cymdeithas Lyfrau Ceredigion, 1960
- Stephens, Meic (gol.) Cydymaith i Lenyddiaeth Cymru, Gwasg Prifysgol Cymru, 1986. ISBN 0-7083-0915-1
- Les Quatre branches du Mabinogi et autres contes gallois du Moyen-Age troet diwar ar c'hrenngembraeg ha kinniget Pierre-Yves Lambert, Gallimard, dastumad « L'aube des peuples », Pariz, 1993, (ISBN 2-07-073201-0).
Pennadoù kar
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
