Meur a daolenn, en istor al livouriezh, zo bet anvet Aberzhidigezh Izaag.
Meur a hini ivez zo bet anvet Il Sacrificio di Isacco gant o oberour, pa veze italian. E-touez ar re-se ez eus div a zo oberennoù diwar zorn al livour italian Caravaggio (1571-1610), hag an div-se eo a zo kinniget amañ.
Deiziad krouiñ | 1598, 1603 ![]() |
---|---|
Titl | Il Sacrificio di Isacco ![]() |
Relijion | kristeniezh ![]() |
Luskad | Italian Baroque painting ![]() |
Danvez pennañ | Aberzhidigezh Izaag ![]() |
Tachenn | religious art ![]() |
Krouet gant | Caravaggio ![]() |
Danvez implijet | oil paint, canvas ![]() |
Diskouez a ra | Aberzhidigezh Izaag ![]() |
Taolenn Princeton
Emañ an daolenn Aberzhidigezh Izaag-mañ en dastumad Piasecka-Johnson e Princeton, New Jersey . N'eur ket sur eo diwar zorn Caravaggio avat. Hervez Giulio Mancini, a skrivas buhez al livour, edo Caravaggio en Ospital ar Frealz pa reas un toullad livadurioù evit ar priol spagnol (ur priol spagnol a voe adalek 1593 betek 1595), ha hennezh o c'hasas gantañ da Sevilla. Da neuze e vije bet graet al livadur war-dro kreiz ar bloavezhioù 1590. Met kalz bravoc'h eo graet al labour c'hoazh eget pezh a oa kustum Caravaggio d'ober d'ar c'houlz-se, ma skriv an arzvarnour Peter Robb, er buhezskrid embannet gantañ e 1998 diwar-benn Caravaggio, e rank bezañ bet savet war-dro 1598.
Ar paotr a zo Izaag amañ a denn kenañ d'ar Yann-Vadezour a c'haller gwelout e mirdi iliz-veur Toledo. A bouez eo gouzout e oa degouezhet e Spagn un toullad livadurioù graet gant Caravaggio, rak levezonet o deus Diego Velázquez, met gallout a rafent bezañ bet graet gant Bartolomeo Cavarozzi (1590-1625) hag a oa e Spagn war-dro 1617-1619.
Emañ dorn an ael war benn ar maout evel m'emañ dorn kleiz Abraham war benn e vab, e gontell gantañ en e zorn dehoù, o selaou an ael. Netra en diadreñv, ha gant-se emañ an arvest en e greñvañ, en e skrijusañ.
Sklêrijennet eo an daolenn gant ar c'hiaroscuro ("amsked" e brezhoneg), doare-livañ ijinet gant Caravaggio, hag a zo bet ur seurt dispac'h en arz ar C'hornôg. En deñvalijenn emañ dremmoù an tad, Abraham, ha hini e vab, Izaag, ha koulskoude e santer nerzh o from.
Gwelout a reomp Abraham war-nes aberzhiñ e vab Izaag da sentiñ ouzh gourc'hemenn Doue hag un ael o herzel outañ, hag o kinnig dezhañ ur maout da lakaat e lec'h e vab.
- Aberzhidigezh Izaag, gant Caravaggio, war-dro 1598
- Munudig
Taolenn an Uffizi
En Uffizi Firenze emañ al livadur-mañ, a voe graet, gouez da Giovanni Bellori, evit ar c'hardinal Maffeo Barberini, a oa da vezañ ar pab Urban VIII. Kant skoed en holl a voe roet d'an arzour evit e labour gant ar c'hardinal, paeet dre veur a wech etre miz Mae 1603 ha miz Genver 1604.
Ur pennad a-raok e oa bet livet Poltred Maffeo Barberini gant Caravaggio: moarvat e oa bet plijet a-walc'h Barberini ma en doa goulennet un daolenn all digantañ.
Anaout a reer dremm Izaag : hini Cecco Boneri eo, ur c'hrennard a weler en un toullad livadurioù diwar zorn Caravaggio. E zremm ivez eo hini an ael, nemet un tamm kemmet e voe an drolinenn anezhi hag ar blev, da guzhat an doare-ober. Dre skinoù X ez eo bet kavet kement-se.
N'anavezer nemet div daolenn gant Caravagio ma weler ar vro en diadreñv : homañ hag an Diskuizh e-kerzh an dec'hadenn da Egipt. Marteze eo an torgennoù Colli Albani a zo en-dro da Roma a weler amañ. Marteze ivez eo ur salud d'e gevezer Annibale Carracci, a oa brudet ar gwelvaoù livet gantañ.
Amañ eo mesket kaerder an natur hag euzhusted an aberzh. En diaraog e weler ar gontell lemm war vrec'h ar mab, troet ouzh ar gouloù.
- Aberzhidigezh Izaag, gant Caravaggio, e 1603
Pennadoù kar
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.