From Wikipedia, the free encyclopedia
Pacal (atawa: pêcêl) adalah makanan nang diulah matan sayur bajarang, kaya kacang panjang, bayam, kacambah nang dilingir lawan kuah sambal kacang.[1]
Pacal marupakan makanan matan suku Jawa nang tiba Daerah Istimewa Yogyakarta wan sudah ada matan abad ka-9 Masehi. Makanan tradisiunal nang banyak gizi ini tarkanal di Indunisia utamanya di Jawa Timur, Jawa Tengah wan Daerah Istimewa Yogyakarta.[2][3]
Kata Pacal (dari Jawa: ⁇ , Pêcêl) baarti "tumbuk" atawa dihancurakan pakai cara ditumbuk.[4]
Pacal adalah makanan bahari nang sudah ada matan abad ka-9 masehi, dukanu karajaan Mataram Kuno di bawah pamarintahan raja Rakai Watukura Dyah Balitung (898-930 M) nang tacatat dalam Kakawin Ramayana. Pacal jua ditulis dalam Prasasti Taji Ponorogo (901 M), Prasasti Siman matan Kediri (865 S/943 M), Babad tanah Jawa (1647 M) wan Serat Centhini (1742 S/1814 M).[5][6]
Dalam kahidupan masyarakat Ponorogo, sambal kacang jua dipakai dalam bumbu Sate Ponorogo.[7][8] Pacal mulai dipinandui urang di luar Ponorogo marga dibawa ulih Warok Ponorogo rahatan jaman Hindia Belanda nang mandam di barbagai wilayah di Indunisia, utamanya di Jawa Timur sampai di luar Indunisia.[9] Bumbu Pacal mahirip lawan gaduh-gaduh, nang maulah lain adalah bahan tambahan wan kasar kadanya. Lalu di Ponorogo sabalah utara baisi parian bumbu pacal nang ditambahi janar, sampai dikatujui urang Madiun nang lalu digalari Pacal Madiun.
Salain di Tanah Jawa wan Indunisia, pacal jua kawa ditamui di Malaysia, Filipina, Thailand, wan Suriname nang asing-asingnya baisi rasa saurang nang balaianan lawan rasa pacal di Indunisia marga lainan juwa kacang nang dipakai.[10]
Pacal adalah makanan nang diulah matan sayuran nang dijarang wan iwak nang dihidangkan nang balainan targantung matan dairahnya. Alas makan gasan Pacal biasanya disambat ingke, pincuk, atawa tampah paring. Sayuran nang dihidangakan kaya kacang panjang, kacambah, janar, daun gumbili, wan daun cancarum. Tagal, sayuran nang dipakai jua bamacam-macam targantung dairah wan sayuran nang ada pas musimnya.
Bumbu sambal kacang nang disiram di atas pacal disambat sambal pacal nang diulah matan kancur, gula habang, uyah, lombok, patikala, daun limau purut, wan kacang tanah sangrai nang dikambuh, ditumbuk, atawa diulek.[11]
Salain ngitu, ada jua nang manambahiakan daun bawang wan asam kamal bacampur banyu hangat gasan sakira sambal pacal kada tapi likat. Di dairah tartantu, bumbu pacal dibari campuran gumbili lancar gasan malikati wan tarasa kasar. Pariasi lain nang kawa ditamui adalah manambahi sambal tumpang ka bumbu. Pacal dimakan lawan nasi, mi, sayuran kuah santan wan sambal basanga.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
