Muhammad Arsyad al-Banjari

Bantuan kotak info

Makam Syekh Muhammad Arsyad Al-Banjari

Muhammad Arsyad

Nama dan Gelar
Semua Gelar
Gelar (Islam/Sosial)	Syekh
Nama
Nama	Muhammad Arsyad
Nama (arabic)	الشيخ محمد أرشد بن عبدالله بن ابو بكر الهندي البكري
Kelahirannya
Tanggal lahir (M)	17
Bulan lahir (M)	Maret
Tahun lahir (H)	1122
Tahun lahir (M)	1710
Tempat lahir	Lok Gabang
Negara lahir (penguasa wilayah)	Lok Gabang, Astambul, Banjar Kesultanan Banjar
Nama ayah	Abdullah
Nama ibu	Siti Aminah
Agama, Identitas, Kebangsaan
Agama Islam
Etnis (Suku bangsa)
Marga	al-Banjari
Etnis (Suku bangsa)	Banjar
Kewarganegaraan
Kewarganegaraan	Banjarmasin,Kalimantan
Nasab Jalur Ayah Bin Abdullah bin Abubakkar Bin Abdurrahman Al Banjari Al Bakri Jalur Ibu Aminah binti Husain
Pernikahan & Keluarga Istri 1. Ratu Aminah binti Pangeran Thaha[1] 2. Bidur 3. Bajut 4. Lipur 5. Dayi 6. Lihuyyi 7. Markidah 8. Darmanik 9. Palung 10. Turiyah 11. Go Hwat Nio (Guwat)[2][3] Anak dengan 1. Ratu Aminah binti Pangeran Thaha[4] Anak dengan 2. Bidur Anak dengan 3. Bajut Anak dengan 4. Lipur Anak dengan 5. Dayi Anak dengan 6. Lihuyyi Anak dengan 7. Markidah Anak dengan 8. Darmanik Anak dengan 9. Palung Anak dengan 10. Turiyah Anak dengan 11. Go Hwat Nio (Guwat)[5][6]
Kewafatan Tanggal wafat (M) 13 Bulan wafat (M) 10 Tahun wafat (H) 1227 Tahun wafat (M) 1812 Umur wafat (H) ± 105 Umur wafat (M) ± 102 Tempat makam Kalampaian Tengah, Astambul, Banjar, Kalimantan Salatan Negara Lokasi Indunisia

Syekh Muhammad Arsyad al-Banjari (bahasa Arab: الشيخ محمد أرشد بن عبدالله بن عبدالرحمن البنجري, translit. al-Syaikh Muhammad Arsyad bin 'Abdullāh bin 'Abdurraḥman al-Banjarī‎), diranakakan di Lok Gabang, 17 Marit 1710 – habis umur di Dalam Pagar, 3 Uktubir 1812 wayah umur 102 tahun.^[7]

Inya adalah ulama pikih mazhab Syafi'i matan kuta Martapura di Tanah Banjar (Kesultanan Banjar), Kalimantan Salatan. Inya hidup matan tahun 1122 sampai 1227 hijriah. Inya dikiau jua Haji Ganal wan digalari anumarta Datu Kalampaian.

Inya pangarang Kitap Sabilal Muhtadin nang banyak dijadiakan patunjuk ulik urang nang baagama Islam di Asia Tunggara.^[8][9][10]

Sajarah Hidup

Syekh Muhammad Arsyad al-Banjari dapat pandidikan sabarataannya di Istana sampai umur parak 30 tahun. Imbah ngitu inya dikawinakan lawan bibinian nang bangaran Tuan Bajut.^[11]

Wayah bininya batianan anak nang panambaian, balalu di hati Muhammad Arsyad kahandak nang kuat manuntut ilmu di tanah suci Makkah. Inya manyampaikan kahandak hati lawan bini tacinta.

Asa barat hati kaingatan umur kawin bubuhan sidin nang masih hanyar, paampihannya bininya maaminakan niat suci sang laki wan mandukung dalam mancapai cita-cita. Maka, imbah dapat rastu matan sultan tulaklah Muhammad Arsyad ka Tanah Suci manurutakan cita-citanya. Banyu mata baguguran wan untaian dua manulakakannya.

Di Tanah Suci, Muhammad Arsyad mangaji lawan masyaikh nang tasuhur wayah ngitu. Di antara guru sidin adalah Syekh ‘Athaillah bin Ahmad al-Mishry, al-Faqih Syekh Muhammad bin Sulaiman al-Kurdi wan al-‘Arif Billah Syekh Muhammad bin Abdul Karim al-Samman al-Hasani al-Madani.

Syekh nang disambat paampihan adalah guru Muhammad Arsyad di bidang tasawup, sidin nang mambimbing Muhammad Arsyad basuluk wan haluat, sampai mandapat ijasah matan-Nya sabagai halipah.

Salain ngitu guru-guru Muhammad Arsyad nang lain kaya Syekh Ahmad bin Abdul Mun'im ad Damanhuri, Syekh Muhammad Murtadha bin Muhammad az Zabidi, Syekh Hasan bin Ahmad al Yamani, Syekh Salm bin Abdullah al Basri, Syekh Shiddiq bin Umar Khan, Syekh Abdullah bin Hijazi asy Syarqawy, Syekh Abdurrahman bin Abdul Aziz al Maghrabi, Syekh Abdurrahamn bin Sulaiman al Ahdal, Syekh Abdurrahman bin Abdul Mubin al Fathani, Syekh Abdul Gani bin Muhammad Hilal, Syekh Abis as Sandi, Syekh Abdul Wahab at Thantawy, Syekh Abdullah Mirghani, Syekh Muhammad bin Ahmad al Jauhari, wan Syekh Muhammad Zain bin Faqih Jalaludin Aceh.

Salawas manuntut ilmu di sana, Syekh Muhammad Arsyad bamula bakawan lawan sasama panuntut ilmu kaya Syekh Abdussamad al-Falimbani, Syekh Abdurrahman Misri al-Jawi, wan Syekh Abdul Wahab Bugis maulah bubuhannya dipatuh sabagai Ampat Sarangkai matan Tanah Jawi (Malayu).^[12]

Imbah kurang labih 35 tahun manuntut ilmu di Makkah wan Madinah, timbul niat gasan manuntut ilmu ka Mesir. Wayah niat ngini disampaiakan lawan guru bubuhannya, Syekh mamadahakan supaya kaampat muritnya ngini gasan bulik ka Jawi (Indunisia) gasan badakuah di nagarinya masing-masing.

• Kitap Ushuluddin nang rancak disambat Kitap Sifat Duapuluh,
• Kitap Tuhfatur Raghibin, kitap nang mamandirakan sual-sual iktikat wan parangai nang sasat,
• Kitap Nuqtatul Ajlan, adalah kitap tantang binian wan tartip laki-bini,
• Kitabul Faraidl, hukum pamalihan warisan.

Matan babarapa risalahnya wan babarapa palajaran panting nang langsung diajarakannya, ulih murit-muritnya imbah dihimpun wan jadi samacam Kitap Hukum Syarat, tantang sarat sahadat, sumbahyang, basuci, puasa, wan nang bahubungan lawan ngitu, wan gasan mana rancak disambat Kitap Parukunan. Manganai bidang Tasawup, inya jua manulisakan pikiran-pikirannya dalam Kitap Kanzul-Makrifah.