![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4d/COVID-19_pandemic_in_Indonesia_per_capita_cases_map.svg/langbjn-640px-COVID-19_pandemic_in_Indonesia_per_capita_cases_map.svg.png&w=640&q=50)
Pandimi Covid-19 di Indunisia
From Wikipedia, the free encyclopedia
Pandimi Covid-19 di Indunisia marupakan palihan matan pandimi panyakit koronavirus 2019 (Covid-19) nang rahatan balangsung sadunia. Panyakit ngini dimargakan ulih koronavirus sindrom pahinakan akut bangat 2 (SARS-CoV-2). Kajadian pusitip Covid-19 di Indunisia panambaian kali talacak wayah tanggal 2 Marit 2020, wayah dua urang dipastiakan tajangkit matan saikung warga nagara Japang.[3][4] Wayah tanggal 9 April, pandimi sudah manyabar ka 34 parupinsi lawan DKI Jakarta, Jawa Barat, wan Jawa Tangah jadi parupinsi paling tajangkit SARS-CoV-2 di Indunisia.
Artikal ngini mahabarakan suatu pandimi damini. Maklumat pasal hal ngitu kawa baubah hancap lamun maklumat labih lanjut tasadia; kaduan habar wan sumbar-sumbar primer lainnya mungkin kada kawa diandalakan. Pamugaan pauncitan gasan artikal ngini mungkin kada mancaraminakan maklumat damini pasal pandimi ngini gasan sabarataan bidang. |
![]() Pata karacapan kajadian Covid-19 saban parupinsi per 100 ribu panggana sampai
16 Agustus 2021 | |
![]() Pata kajadian dipastiakan pusitip Covid-19 par parupinsi sampai
16 Agustus 2021 | |
![]() Pata kajadian habis umur marga Covid-19 par parupinsi sampai
16 Agustus 2021 | |
![]() Pata kajadian wigas matan Covid-19 par parupinsi sampai
16 Agustus 2021 | |
Panyakit | COVID-19 |
---|---|
Galur virus | SARS-CoV-2 |
Tampat | Indunisia |
Kasus panambaian | Kemang, Jaksel, DKI Jakarta |
Tanggal kacungulan | 2 Marit 2020 (3 tahun, 4 bulan, 4 minggu dan 2 hari) |
Asal | Wuhan, Hubei, Tiongkok (malalui parantara warga nagara asing) |
Kajadian tapastiakan | 6.812.127 [1][2] |
Kasus diharagu | 8.245 [1][2] |
Kajadian digairakan‡ | 293.179 [1][2] |
Kajadian wigas | 6.642.003 [1][2] |
Kamatian | 161.879 [1][2] |
Wilayah takana | 510 kabupaten dan kota di 34 provinsi [1][2] |
Tungkaran web rasmi | |
covid19 covid19 covid19 Selengkapnya... | |
‡ Kasus nang digairakan balum dipastiakan marga galur ngini masih diitihi di laburaturium. Sapalih galur lain mungkin sudah dicagah. |
Sampai tanggal 3 Juli 2023, Indunisia sudah mangaduakan 6.812.127 kajadian pusitip mangganai paringkat panambaian pambanyaknya di Asia Tunggara. Dalam hal angka kamatian, Indunisia mangganai paringkat katalu pambanyaknya di Asia lawan 161.879 kamatian.[5] Tagal, angka kamatian dikikiraakan jauh labih tinggi matan data nang dikaduakan marga kada dihitungnya kajadian kamatian lawan gajala Covid-19 akut nang balum dipastiakan atawa ditarai.[6][7] Samantara ngitu, dipadahakan 6.642.003 urang sudah wigas, manyisaakan 8.245 kajadian nang rahatan diharagu.[1] Pamarintah Indunisia sudah manarai 76.062.770 urang matan jumlah 269 juta panggana, nang baarti wastu kikira 281.501 urang par sajuta panggana.Citakan:Wikidata
Sawagai tanggapan tahadap pandimi, sapalih wilayah sudah mambalakuakan pawatasan susial basakala basar (PSBB) wayah tahun 2020. Kabijakan ngini diganti lawan pambalakuan pawatasan kagiatan masarakat (PPKM) wayah tahun 2021. Wayah 13 Januari 2021, Parisidin Joko Widodo manarima paksin Covid-19 di Istana Negara, sakaligus manandai mulanya parugram pamaksinan Covid-19 di Indunisia.[8]