Hadupan
From Wikipedia, the free encyclopedia
Hadupan[2][3]/hidupan[2]/adupan[2][2][4][2][5][6][7] atawa duyu[2] atawa kutang[2] adalah mamalia karnipura nang sudah ma'alami dumistikasi matan sarigala tumatan 15.000 tahun nang halam atawa mungkin hudah tumatan 100.000 tahun nang halam badasarakan bukti génétik barupa panamuan fosil wan tis DNA. Panalitian lain maungkap sajarah dumistikasi hadupan nang luman damintu lawas. Dalam bahasa Banjar ngaran lain hadupan disambat jua duyu (lugat Balangan) wan kutang (lugat Kandangan). Disambat jua asu dalam basa Jawa wan basa Dayak (Ngaju, Bakumpai).
?Hadupan Rentang fosil: Pleistocene akhir – Sekarang | ||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Saikung Labrador Retriever | ||||||||||||||||||||||||||||
Satatus palastarian | ||||||||||||||||||||||||||||
Dijinakkan | ||||||||||||||||||||||||||||
Klasifikasi ilmiah | ||||||||||||||||||||||||||||
| ||||||||||||||||||||||||||||
Nama trinomial | ||||||||||||||||||||||||||||
Canis lupus familiaris | ||||||||||||||||||||||||||||
Sinonim | ||||||||||||||||||||||||||||
|
Hadupan sudah bakambang manjadi ratusan ras lawan bamacam-macam pariasi, mulai matan hadupan tinggi awak babarapa puluh sintimitir kaya Chihuahua sampai Irish Wolfhound nang tingginya labih matan satu mitir. Warna bulu hadupan kawa bamacam-macam, mulai matan putih sampai hirang, habang, habuk, wan suklat. Salain ngitu, hadupan baisi bamacam-macam janis bulu, mulai matan nang handap banar sampai nang panjangnya kawa mancapai babarapa sintimitir. Bulu hadupan kawa kujur atawa kariting, wan batékstur kasar sampai lambut nang kaya banang wol.