जीआइएस (GIS — अंग्रेजी: Geographical Information System; उच्चा.: ज्याग्रफिकल इनफार्मेशन सिस्टम), कंप्यूटर आधारित सिस्टम हवे जेवना में भूगोलीय आँकड़ा सहेज के रक्खल जा सकेला, एह आँकड़ा सभ के मैनिपुलेशन, बर्गीकरण, एनालिसिस, क्वैरी आ प्रेजेंटेशन कइल जा सकेला। ई एगो खास तरह के इनफार्मेशन सिस्टम हवे जे भूगोलीय आँकड़ा खातिर डिजाइन कइल गइल हवे। इनफार्मेशन सिस्टम के मतलब होला, कंप्यूटर आधारित सिस्टम जेह में सूचना आ जानकारी के इनपुट के रूप में दिहल जाय, बिबिध तरीका से प्रासेस कइल जा सके आ सार्थक आउटपुट हासिल कइल जा सके।
कुछ लोग, जीआइएस के परिभाषा, कंप्यूटर आधारित औजार सभ के समूह के रूप में भी करे ला। मतलब की अइसन औजार आ उपकरण सभ के सेट जिनहन के इस्तेमाल भूगोलीय आँकड़ा के अध्ययन भा बिस्लेषण करे में मददगार होखे। अन्य लोग जीआइएस के आँकड़ा भंडार, यानी डेटाबेस के रूप में भी देखे ला; अइसन डेटाबेस जेह में भूगोलीय आँकड़ा रखल होखे, एह आँकड़ा के बिस्लेषण करे, एह में से क्वैरी करे आ एकर प्रेजेंटेशन करे के सुबिधा मौजूद होखे।
कौनों भी कंप्यूटर सिस्टम मतिन, जीआइएस के भी तीन गो कंपोनेंट होला — हार्डवेयर, साफ्टवेयर आ ह्यूमनवेयर। जीआइएस के कई गो साफ्टवेयर फ्री डोमेन में भी उपलब्ध बाने जबकि कई सारा साफ्टवेयर कामर्शियल इस्तेमाल वाला बाने। वेब जीआईएस आ वेब मैपिंग लगभग समान अरथ में इस्तेमाल होखे वाला टर्मावली हवे। वेब मैपिंग के मतलब बा जीआइएस के उत्पाद के वेब ब्राउजर के जरिये हासिल कइल। अइसन नक्सा बनावे के बिधा के वेब कार्टोग्राफी कहल जाला।
जीआईएस के अध्ययन करे वाला बिज्ञान के ज्याग्राफिक इनफार्मेशन साइंस (जीआइसाइंस) कहल जाला[1] आ ई खुद ज्ञान के एक ठो एगो बड़हन शाखा भूसूचना बिज्ञान (जियोइन्फार्मेटिक्स) के अंदर आवे ला।
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
