एशिया आ यूरोप में बिस्तार लिहले झील, दुनिया के सभसे बड़ इलाका बिस्तार वाली झील From Wikipedia, the free encyclopedia
कैस्पियन सागर एशिया महादीप में, बिचला एशिया के पच्छिमी माथ पर मौजूद एगो चारो ओर से जमीन से घेराइल झील हवे जेकरा बिसाल आकार के चलते परंपरागत रूप से सागर कहल जाला। ई काकेशस परबत के पूरुब में आ बिसाल स्टेपी के मैदान के पच्छिम में बाटे आ पानी के सतह के रकबा के हिसाब से दुनिया के सभसे बड़ खारा पानी के झील हवे। एकरे उत्तर-पूरुब में कजाकिस्तान, उत्तर-पच्छिम में रूस, पच्छिम में अजरबैजान, दक्खिन में ईरान, आ दक्खिन-पूरुब में तुर्कमेनिस्तान देस बाड़ें।
कैस्पियन सागर | |
---|---|
Caspian Sea | |
निर्देशांक | 41°40′N 50°40′E |
प्रकार | बन्द, खारी, स्थायी, प्राकृतिक |
आगम | वोल्गा नदी, यूराल नदी, कूरा नदी, तेरीक नदी |
निकास | वाष्पीकरण, गाराबोज़कोइ |
थाला | 3,626,000 किमी2 (1,400,000 वर्ग मील)[1] |
थाला के देस | अज़रबैजान, ईरान, कजाकस्तान, रूस, तुर्कमेनिस्तान |
अधिकतम लंबाई | 1,030 किमी (640 मील) |
अधिकतम चौड़ाई | 435 किमी (270 मील) |
सतह क्षेत्र | 371,000 किमी2 (143,200 वर्ग मील) |
औसत गहिराई | 211 मी (690 फीट) |
अधिकतम गहिराई | 1,025 मी (3,360 फीट) |
आयतन | 78,200 किमी3 (18,800 घन मील) |
जलनिवास समय | 250 years |
किनारा के लंबाई1 | 7,000 किमी (4,300 मील) |
सतह ऊँचाई | −28 मी (−92 फीट) |
दीप | 26+ |
आबादी | बाकू (अज़रबैजान), अंजलि (ईरान), अकटाउ (कजाकस्तान), Makhachkala (रूस), Türkmenbaşy (Turkmenistan) (see article) |
संदर्भ | [1] |
1 किनारा के लंबाई कौनो सटीक माप ना हवे। |
कैस्पियन सागर समुंद्र तल से करीबन 28 मी (92 फीट) नीचे कैस्पियन निचाई में मौजूद बा। एकरा दक्खिनी हिस्सा में एह समुंद्र के तली समुंद्र तल से 1,023 मी (3,356 फीट) नीचे ले पहुँच जाले, एकरा चलते ई बैकाल झील के बाद दूसरा सभसे गहिरा जगह भी बा (बैकाल के गहिराई −1,180 मी, −3,871 फीट हवे)। एकरे किनारे रहे वाला लोग एकरा में समुंद्र बूझे, अइसन साइद एकरे बिसाल आकार (साइज) के कारन रहल।
यूरोप के सभसे लमहर नदी वोल्गा, जे रूस के एगो सभसे प्रमुख नदी हवे, एही कैस्पियन सागरे में गिरे ले। वोल्गा नदी एकरे पानी के आगम के सभसे प्रमुख स्रोत ह। एकरे अलावा एह में गिरे वाली प्रमुख नदी यूराल नदी, कूरा नदी, तेरीक नदी बाड़ी स।
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.