मौस्माई झरना (Mawsmai Falls), जेकरा के सेवेन सिस्टर्स झरना (Seven Sisters Falls) आ नोहशंगथियांग (Nohsngithiang Falls) के नाँव से जानल जाला, भारत के मेघालय राज्य के पूर्ब खासी जिला में एगो झरना बाटे। शिलांग से चेरापूँजी जाये के रस्ता में ई झरना मौस्माई गाँव के नगीचे पड़े ला। झरना के ऊँचाई 315 मीटर (1,033 फीट) बाटे आ एकर चौड़ाई लगभग 70 मीटर (230 फीट) बा।[1] एह तरीका से ई भारत के कुछ सभसे ऊँच झरना सभ में से एक बाटे।
| Nohsngithiang Falls | |
|---|---|
 Nohsngithiang or Seven Sisters Water Falls | |
  | |
| Location | पूर्ब खासी पहाड़ी जिला, मेघालय, भारत |
| Coordinates | 25.2443082°N 91.73907249°E |
| Type | Segmented |
| Total height | 315 मीटर (1,033 फीट) |
| Number of drops | 1 |
| Average width | 70 मीटर (230 फीट) |
ई झरना खासी पहाड़ी पर बाटे। खासी पहाड़ी के चूनापाथर (लाइमस्टोन) के चट्टानी कगार से बरसाती पानी के गिरे से ई झरना बने ला। दिन के समय सुरुज के चमकदार रोशनी में आ साँझ बेर के डूबत सुरुज के रोशनी पड़े पर ई बहुत सुंदर आ रंगीन देखलाई पड़े ला।
नाँव
एह झरना के मौस्माई नाँव लगहीं के एगो गाँव के नाँव पर पड़ल हवे।
एकरे अलावा एह झरना के अंग्रेजी नाँव सेवेन सिस्टर्स हवे। ई नाँव एह झरना के सात गो धारा में बहे के कारण रखल गइल हवे। हालाँकि, सेवेन सिस्टर्स नाँव के अउरी कई गो झरना बाड़ें जिनहना से अलगा बूझे खातिर जगह के नाँव बतावे के पड़े ला। एगो सेवेन सिस्टर्स झरना सिक्किम में बाटे। जबकि एही नाँव के सभसे परसिद्ध झरना नार्वे में बाटे। एही तरह से पेरू देस में थ्री सिस्टर्स झरना बा जे तीन धारा में बहे ला आ दुनिया के कुछ सभसे ऊँच झरना सभ में ए एक हवे।
अंग्रेजी में चलनसार दुसरका नाँव नोहशंगथियांग (Nohsngithiang) एकरे लोकल पूरा नाँव Kshaid Noh Sngi-thiang के कुछ बिगड़ल रूप हवे।[2]
भूगोल
झरना के भूगोलीय लोकेशन 25.2443082°N 91.73907249°E पर बाटे। देस के बिभाग अनुसार देखल जाय तब ई भारत के मेघालय राज्य में पूर्ब खासी पहाड़ी जिला में पड़े ला।
गारो, खासी आ जयंतिया तीनों पहाड़ी मेघालय पठार के पहाड़ी हईं आ इनहन तीनों पर झरना पावल जालें। मेघालय पठार के दक्खिनी किनारा खड़ा कगार के रूप में हवे जेकर मुँह बांग्लादेस के ओर हवे। इहाँ चूनापाथर के चट्टान पावल जालीं। खासी पहाड़ी पर अइसने चूनापाथर (लाइमस्टोन) के कगार पर ई झरना बाटे जे बरसात के पानी से बने ला।
एकरे आसपास अउरी कई गो झरना बाड़ें। भारत के सभसे ऊँच सिंगल ड्राप झरना मानल जाए वाला नोहकलिकाई एहिजा से थोरिके दूरी पर बा।
संदर्भ
.svg){kind=small}
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
