बाबा धाम
वैद्यनाथ ज्योतिर्लिङ्ग मन्दिर From Wikipedia, the free encyclopedia
वैद्यनाथ ज्योतिर्लिङ्ग मन्दिर From Wikipedia, the free encyclopedia
बाबा बैद्यनाथ धाम, जे बैजनाथ धाम भा बाबा धाम के नाम से मशहूर बा, भारतीय राज्य झारखंड के संथाल परगना मंडल में देवघर में एगो हिंदू मंदिर बाटे। ई भगवान शिवजी के मंदिर हवे आ पुराणिक बिबरन अनुसार बारह गो ज्योतिर्लिंग सभ में एकर गिनती होला। बाबा धाम के नाँव से परसिद्ध एह मंदिर मंडली में मुख्य मंदिर बाबा बैजनाथ के बा आ एकरे अलावा अउरी एकइस गो मंदिर बाने।
बाबा बैद्यनाथ मंदिर | |
---|---|
![]() मुख्य मंदिर आ आसपास के छोट मंदिर सभ | |
बेसिक जानकारी | |
अक्षांस-देशांतर | 24°29′33″N 86°42′00″E |
देवता | बाबा बैद्यनाथ (शिव) |
तिहुआर | शिवरात, श्रावणी मेला (सावन) |
District | देवघर |
राज्य | झारखंड |
देस | भारत |
वेबसाइट | www |
Creator | राजा पूरनमल (कथा अनुसार - विश्वकर्मा) |
मंदिर सभ | 22 |
हिंदू कथा सभ के मोताबिक रावण शंकर जी के खुस करे खातिर आ बरदान पावे खातिर लमहर तपस्या के बाद आपन दसो मूँड़ी काटि के चढ़ा दिहलें जेकरा बाद शंकर जी प्रगट भइलें आ खुस हो के उनके वापिस जिया दिहलें। शिव जी एगो बैद के रूप में रावण के मूँड़ी जोड़लें, एही कारन उनके एह रूप के बैद्यनाथ कहल जाला।
हर साल सावन के महीना में इहाँ सावनी मेला लागे ला आ काँवरिया लोग गंगा जी से जल ले के पैदल जतरा क के इहाँ आ के मंदिर में जल चढ़ावे ला।