तस्मान ग्लेशियर

तस्मान ग्लेशियर (अंग्रेजी: Tasman Glacier)^[1] न्यूजीलैंड के कई ठो ग्लेशियर सभ में से सबसे बड़हन ग्लेशियर हवे जवन दक्खिनी आल्प्स से निकल के दक्खिन-पूरुब के दिसा में मैकेंजी बेसिन के ओर बहे ला। ई न्यूजीलैंड के साउथ आइलैंड पर स्थित बाटे आ न्यूजीलैंड के सबसे लंबा ग्लेशियर भी हवे।

तस्मान ग्लेशियर
ग्लेशियर के ऊपरी हिस्सा
प्रकार	पहाड़ी हिमानी
लोकेशन	न्यूजीलैंड
निर्देशांक	43°37′S 170°12′E
रकबा	101 किमी2 (1.09×109 वर्ग फु)
लंबाई	27 किमी (17 मील)
मोटाई	600 मी (2,000 फीट)
अंतिम माथ	तस्मान झील
इस्थिति	लौटान पर बा

भूगोल

27 किलोमीटर (17 मील) के लंबाई वाला ई हिमानी न्यूजीलैंड के सबसे लंबा हिमानी बाटे।^[2][3][4] ई अधिकतम It is as much as 4 किलोमीटर (2.5 मील) चौड़ा आ 600 मीटर (2,000 फीट) मोटाई लिहले, पूरा तौर पर माउंट कुक नेशनल पार्क के अंदर स्थित बाटे। ई हिमानी लगभग 101 वर्ग किलोमीटर (39 वर्ग मील) पर बिस्तार लिहले बाटे आ ई समुंद्र तल से 3,000 मीटर (9,800 फीट) ऊँचाई से शुरू होले। जाड़ा में 50 मीटर (160 फीट) मोट बरफ पड़े ला आ गर्मी में पघिलाव के बाद 7 मीटर (23 फीट) बरफ बच जाला जवना से ई ग्लेशियर रिचार्ज होला।^[3]

एकरे पूरबी किनारे पर माउंट तस्मान आ माउंट कुक परबत बाड़ें।

हाल के लौटान

Left to right, the Mueller, Hooker and Tasman Glaciers in the Southern Alps, showing major retreat in the ~10 years circa 1990 to 2000. Notice the larger terminal lakes, the retreat of the white ice (ice free of moraine cover, high up on the glaciers), and (more subtly) the increase in height of the moraine walls due to ice thinning.

सन् 1990 के बाद से ई ग्लेशियर में 180 मीटर (590 फीट) सालाना के दर से लौटान भइल बाटे आ हाल में एह में तेजी भी दर्ज कइल गइल बाटे। जवन अब 477 से 822 मीटर (1,565 से 2,697 फीट) सालाना नापल गइल बा। इहो गणना कइल गइल बा की अबसे 10 से 19 बरिस के बाद ई ग्लेशियर पूरा खतम हो जाई आ एकरे अंतिम छोर पर मौजूद प्रोग्लेशियल झील, तस्मान झील अपने अधिकतम बिस्तार वाली हो जाई। 1973 ले ई ग्लेशियर के कौनों टर्मिनल झील ना रहे आ 2008 ले आवत आवत तस्मान झील 7 किलोमीटर (4.3 मील) लंबी, 2 किलोमीटर (1.2 मील) चौड़ाई वाली, आ 245 मीटर (804 फीट) गहिरा झील हो गइल।^[5]

इहो देखल जाय

• हिमानी सभ के लिस्ट

संदर्भ/नोट

1. "Place Name Detail: तस्मान ग्लेशियर". New Zealand Geographic Placenames Database. Land Information New Zealand. Retrieved 29 दिसंबर 2015..
2. "Aoraki/Mount Cook National Park". Tourism New Zealand. Retrieved 29 दिसंबर 2015.
3. "Aoraki/Mount Cook Education Resource" (PDF). Department of Conservation. 2009. p. 8. Retrieved 29 दिसंबर 2015.
4. एह में न्यूजीलैंड के दावा वाला अंटार्कटिका के हिमानी के छोड़ के गिनल जाय तब।
5. "Tasman Glacier retreat extreme". Massey University. 23 अप्रैल 2008. Retrieved 29 दिसंबर 2015. {{cite web}}: Cite has empty unknown parameter: |coauthors= (help)

अउरी पढ़ल जाय

• Satellite Image Atlas of Glaciers of the World, Glaciers of New Zealand, Chinn, T.H., USGS Professional Paper 1386, 1988.

बाहरी कड़ी

• Department of Conservation - Tasman Valley walking tracks