Юрый Іванавіч Ільініч

Юрый Іванавіч Ільініч (? — 1526) — дзяржаўны дзеяч Вялікага Княства Літоўскага.

Юрый Іванавіч Ільініч
Герб «Корчак»
Маршалак дворны літоўскі 1519 — 1526
Папярэднік	Рыгор Осцік
Пераемнік	Юрый Радзівіл
Нараджэнне	XV стагоддзе
Смерць	1526(1526)
Месца пахавання	Кафедральны сабор Святога Станіслава
Род	Ільінічы
Бацька	Івашка Ільініч
Маці	Ганна Даўгірдаўна
Жонка	Ядвіга Забярэзінская
Дзеці	Ян, Мікалай, Станіслаў, Шчасны, Ядвіга, Ганна

Маршалак дворны і намеснік лідскі (1500).

Вялікі князь літоўскі Аляксандр у 1502 годзе адабраў у яго Лідскае намесніцтва і аддаў родзічу свайго фаварыта Міхаіла Глінскага Андрэю Дрожджы, што стала прычынай канфлікту паміж Глінскім і раднымі панамі.

Зноў намеснік лідскі (з 1507), ковенскі (1514), берасцейскі і адначасова маршалак дворны (з 1519).

Каля 1510 года пабудаваў Мірскі замак.

Належала вёска Беражна.

Сям’я

Сын Івашкі, намесніка смаленскага, і Ганны Даўгірдаўны, брат Мікалая.

Праз шлюб з дачкой Яна Забярэзінскага Ядвігай атрымаў частку яе мацярынскай спадчыны: колішнія маёнткі Мікалая Насуты — Шарашова ў Берасцейскім павеце, Белую на Падляшшы і іншыя маёнткі.

Меў чатырох сыноў, якія пасля смерці Юрыя Іванавіча падзялілі яго маёмасць.

Зноскі

Літаратура

• Насевіч В. Іллінічы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 666. — 688 с. — ISBN 985-11-0314-4 (т. 1), ISBN 985-11-0315-2.