![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/33/Eesti_Kunstiakadeemia_uus_%25C3%25B5ppehoone_Kalamajas.jpg/640px-Eesti_Kunstiakadeemia_uus_%25C3%25B5ppehoone_Kalamajas.jpg&w=640&q=50)
Эстонская акадэмія мастацтваў
From Wikipedia, the free encyclopedia
Эстонская акадэмія мастацтваў (эст.: Eesti Kunstiakadeemia, EKA) — адзіная вышэйшая навучальная ўстанова ў Эстоніі, якая рыхтуе спецыялістаў у галіне мастацтва, дызайну, архітэктуры, мастацтвазнаўства і рэстаўрацыі.
Эстонская акадэмія мастацтваў (ERKI, EKA, ЭАМ) | |
---|---|
Eesti Kunstiakadeemia | |
![]() | |
![]() | |
Арыгінальная назва | Eesti Kunstiakadeemia |
Заснаваны | 1914 |
Тып | акадэмія |
Рэктар | Март Калм |
Размяшчэнне |
Талін, ![]() |
Юрыдычны адрас | 10412, Бульвар Пых’я 7 |
Сайт | www.artun.ee |
![]() |
Паводле Статуту асноўнай мэтай дзейнасці Эстонскай акадэміі мастацтваў з’яўляецца садзейнічанне творчай і даследчай дзейнасці, прадастаўленне сучаснай вышэйшай адукацыі, якая грунтуецца на комплексным навучанні, творчай і даследчай дзейнасці і ў адпаведнасці са стандартам аб вышэйшай адукацыі ў вобласці выяўленчага мастацтва, дызайну, медыя, архітэктуры, мастацтвазнаўства, рэстаўрацыі і педагагічнай адукацыі.
Пасля акту эстонскага міністра адукацыі і даследаванняў № 145 ад 10 лютага 2007 года, Акадэмія была акрэдытавана як вышэйшая навучальная ўстанова міжнароднай экспертнай камісіяй.
Эстонская акадэмія мастацтваў падпісала каля 80 двухбаковых пагадненняў з універсітэтамі, якія ўдзельнічаюць у праграме ERASMUS, а таксама ўстановамі-партнёрамі, якія не ўдзельнічаюць у ERASMUS — у Швейцарыі, ЗША, Расіі, Аўстраліі. Акрамя таго Акадэмія супрацоўнічае з некалькімі прыватнымі ўніверсітэтамі ў краінах Еўрапейскага Саюза.