Царква Святога Ільі (Дукора)

Царква Святога Ільі — праваслаўны храм у Беларусі, у аграгарадку Дукора Пухавіцкага раёна Мінскай вобласці. Уваходзіць у 1-ую Пухавіцкую благачынную акругу^[1].

Славутасць
Царква Святога Ільі
53°40′06,22″ пн. ш. 27°57′14,77″ у. д.HGЯO
Краіна	Беларусь
Аграгарадок	Дукора
Канфесія	1800 г. грэка-каталіцкая, з 1831 г касцёл, з 1864 г. праваслаўная
Епархія	Барысаўская епархія
Благачынне	Першае Пухавіцкае благачынне
Першае згадванне	1800
Медыяфайлы на Вікісховішчы

Гісторыя

Пабудавана ў пачатку XIX ст. Да 1831 г. была грэка-ўніяцкай, потым дзейнічала як касцёл. У 1851 годзе ў касцёлы быў пахаваны дзяржаўны і ваенны дзеяч Леў Францавіч Оштарп.

Пасля здушэння нацыянальна-вызваленчага паўстання ў 1864 годзе расійскія ўлады гвалтоўна перарабілі касцёл у царкву Маскоўскага патрыярхату.

Да 1990-х гг. будынак выкарыстоўваўся пад клуб.

Назва

Варыянтная форма назвы:

• Дукорская Успенская царква
• Свята-Ільінская царква
• Царква Святога Ільі
• Царква Святога Прарока Іліі
• Царква Успення Прасвятой Багародзіцы

Архітэктура

Помнік архітэктуры позняга класіцызму. Вырашана прастакутным у плане аб’ёмам пад гонтавым дахам, які пасярэдзіне і над апсідай раней завяршаўся купаламі. Галоўны фасад фланкіравалі 2 купальныя вежы, якія выходзілі за сцены храма асобнымі прастакутнымі ў плане аб’ёмамі. Уваходны партал фланкіраваны паўкалонамі на вышыню фасада. Да прамавугольнай у плане апсіды з правага боку далучана рызніца. Атынкаваныя і пабеленыя фасады члянёны 2 ярусамі прамавугольных аконных праёмаў і 3 уваходнымі дзвярамі.

Галерэя

• Царква Святога Ільі
• 
  Былы касцёл
• 
  Былы касцёл, бакавы фасад
• 
  Могілкі на тэрыторыі царквы
• 
• 
• 
• 

Гл. таксама

• Храмы Пухавіцкага раёна

Зноскі

1. http://sobornevsky.by/blagochinie/istoriya-blagochiniya/

Спасылкі

• Дукорская Ільінская царква — http://unicat.nlb.by/
• Касцёл | Дукора — http://www.radzima.org/