ФК ПМЦ Паставы

ПМЦ — былы беларускі футбольны клуб з горада Паставы, прадстаўляў Пастаўскі Мэблевы Цэнтр. Заснаваны ў 2006 годзе, тады ж пачаў выступаць у Другой лізе. Першапачаткова з’яўляўся фактычна фарм-клубам мінскага МТЗ-РІПА, у ПМЦ гулялі пераважна дублёры і рэзервісты мінскай каманды. На наступны год, аднак, ПМЦ ужо стаў поўнасцю самастойным клубам, і ў выніку перамог у Другой лізе. У сезоне 2008 ПМЦ выступаў у Першай лізе, аднак заняў апошняе месца.

ПМЦ
Заснаваны	2006
Расфарміраваны	2014
Горад	Паставы, Беларусь
Стадыён	ПМЦ Умяшчальнасць: 2000
Чэмпіянат	Першая ліга
2008	14 месца

Па заканчэнні сезону 2008 заснавальнік клуба, мясцовы прадпрымальнік Анатоль Бабічаў вырашыў рыхтаваць уласных ігракоў, замест таго каб запрашаць у каманду прыезджых. У выніку каманда ПМЦ спыніла выступы на рэспубліканскім узроўні, замест яе з’явілася дзіцячая футбольная акадэмія ПМЦ. Каманда ж стала выступаць толькі на абласным узроўні. Лепшыя выпускнікі пастаўскай акадэміі сталі трапляць у вядучыя беларускія клубы, а некаторыя — нават у клубы расійскай Прэм’ер-лігі^[1].

У лістападзе 2014 года з-за фінансавых цяжкасцяў футбольная акадэмія ПМЦ у Паставах спыніла свё існаванне^[2].

Дасягненні

• Пераможца другой лігі чэмпіянату Беларусі: 2007

Статыстыка выступленняў

Чэмпіянат і Кубак Беларусі

Сезон	Ліга	М	Г	В	Н	П	Галы	Ачкі	Кубак	Заўвагі
2006	Другая (Д3)	11	32	9	3	20	35–58	30	1/32 фінала
2007	Другая (Д3)	1	30	20	6	4	49–17	66	1/32 фінала	Выхад у Першую лігу
2008	Першая (Д2)	14	26	4	6	16	22–48	18	1/16 фінала	Вылет у Другую лігу, спыненне існавання

Вядомыя ігракі

У клубе гулялі маладыя футбалісты з МТЗ-РІПА, сярод іх будучыя ігракі моладзевай зборнай Беларусі:

• Ягор Зубовіч
• Аляксандр Талканіца
• Максім Вітус
• Юрый Кендыш
• Дзмітрый Юзвовіч

Зноскі

1. Академия футбола. Поставы зовут в Европу
2. С СЕГОДНЯШНЕГО ДНЯ ПЕРЕСТАЛА СУЩЕСТВОВАТЬ ФУТБОЛЬНАЯ АКАДЕМИЯ «ПМЦ-ПОСТАВЫ» (ФОТО)(недаступная спасылка)

Спасылкі

• Профіль на сайце weltfussballarchiv.com(недаступная спасылка)