Уладзімір Аляксандравіч Заламай

Уладзі́мір Алякса́ндравіч Залама́й (нар. 7 студзеня 1940, в. Канчаны, Гродзенскі павет, Беластоцкая вобласць, БССР) — беларускі дзяржаўны дзеяч.

Уладзімір Аляксандравіч Заламай
Старшыня Брэсцкага аблвыканкама 9 снежня 1994 — 13 сакавіка 2000
Прэзідэнт	Аляксандр Лукашэнка
Папярэднік	Віктар Бурскі
Пераемнік	Васіль Далгалёў
Нараджэнне	7 студзеня 1940(1940-01-07) (84 гады) Канчаны, Гродзенскі павет, Беластоцкая вобласць, БССР, СССР
Партыя	КПСС
Адукацыя	Мінскі радыётэхнічны інстытут (1968) Акадэмія грамадскіх навук пры ЦК КПСС[d] (1980) Ваўкавыскі дзяржаўны аграрны каледж (1960)
Узнагароды	Ганаровы грамадзянін горада Баранавічы

Біяграфія

Скончыў Ваўкавыскі заатэхнікум (1960), Мінскі радыётэхнічны інстытут (1968), Акадэмію грамадскіх навук пры ЦК КПСС (1980).

З 1968 года працаваў інжынерам на Брэсцкім заводзе электравымяральных прыбораў, начальнікам цэха, з 1973 года — сакратар парткама Брэсцкага электрамеханічнага завода, з 1980 года — першы сакратар Баранавіцкага гаркама КПБ. Узначальваў аддзел прамысловасці, з 1986 па 1989 гады быў сакратаром Брэсцкага абкама КПБ, у 1989—1992 гадах — першы намеснік старшыні Брэсцкага аблвыканкама, з 29 чэрвеня 1993 года — намеснік старшыні Савета Міністраў Рэспублікі Беларусь, з 26 жніўня 1994 года — міністр па справах Садружнасці Незалежных Дзяржаў.

9 снежня 1994 года быў прызначаны старшынёй Брэсцкага аблвыканкама.^[1] 13 сакавіка 2000 года быў адпраўлены ў адстаўку.^[2]

Пасля быў прызначаны кіраўніком аддзялення пасольства Рэспублікі Беларусь у Расіі ў Калінінградзе.

З 2008 года працаваў выканаўчым дырэктарам ТАА «Балтыйская гандлёвая кампанія».

Узнагароды

• Ордэн Працоўнага Чырвонага Сцяга (1974),
• медаль «За адзнаку ў ахове дзяржаўнай мяжы» (1998)^[3].
• ордэн Айчыны ІІІ ступені (1999),
• званне «Ганаровы грамадзянін горада Баранавічы» (1999)^[4],
• ордэн Пашаны (2000).

Крыніцы

1. Указ Прэзідэнта Рэспублікі Беларусь ад 9 снежня 1994 года № 256 «Аб прызначэнні У. А. Заломая старшынёй Брэсцкага абласнога выканаўчага камітэта»
2. Указ Прэзідэнта Рэспублікі Беларусь ад 13 сакавіка 2000 года № 130 «Аб вызваленні У. А. Заломая ад пасады старшыні Брэсцкага аблвыканкама»
3. Указ Прэзідэнта Рэспублікі Беларусь ад 20 мая 1998 года № 271
4. Заломай Владимир Александрович

Спасылкі

• Ганна Петрачэнка. Уладзімір Заламай: «Я пяць разоў вяртаўся ў Брэст, і ў шосты прыеду …». Вячэрні Брэст. 28.09.2012 Архівавана 22 снежня 2016. (руск.)
• Ганаровыя выпускнікі Малабераставіцкай СШ Архівавана 19 сакавіка 2016. (бел.)
• НИКОМУ НЕ ДАВАЛ ПОКОЯ Архівавана 6 верасня 2017. (руск.)
• Заламай Уладзімір Аляксандравіч на сайце анлайн-энцыклапедыі «Беларусь у асобах і падзеях»