Туя

Ту́я^[1] (Thuja) — род вечназялёных хвойных дрэў і кустоў сямейства кіпарысавых.

Туя
Туя заходняя (Thuja occidentalis)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Хвойныя Клас:  Хвойныя Парадак:  Хвоі Сямейства:  Кіпарысавыя Падсямейства:  Кіпарысавыя Род:  Туя
Міжнародная навуковая назва
Thuja L.
Тыпавы від
Thuja occidentalis L. — Туя заходняя
Сістэматыка на Віківідах Выявы на Вікісховішчы ITIS   18043 NCBI   3315 EOL   14007 GRIN   g:12106 IPNI   11717

Батанічнае апісанне

Вышыня дрэў 7—11 м (часам да 20 м), дыяметр да 30 см (у асобных экзэмпляраў да 90 см). Крона вузкапірамідальная. Ігліца на галінках лускападобная з васкавым налётам, накрыж супраціўная. Мужчынскія шышкі дробныя, круглыя, жаночыя — вялікія, яйкападобныя або прадаўгаватыя.

Ценевынослівая расліна. Жыве да 100 гадоў.

Арэал

Радзіма Паўночная Амерыка.

На Беларусі інтрадукавана туя заходняя, ці негніючка (Thuja occidentalis) і туя складкавая, або гіганцкая (Thuja plicata). Часцей вырошчваюць тую заходнюю і яе садовыя формы. Ва ўмовах Беларусі схільная да кушчэння. Каштоўная парода для азелянення населеных пунктаў. Устойлівая да гарадскіх умоў, выносіць падстрыганне.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 130. — 160 с. — 2 350 экз.

Літаратура

• Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш.. — Мн.: БелЭн, 2003. — Т. 16. — С. 66. — 576 с. — 10 000 экз. — ISBN 985-11-0263-6 (Т. 16).