Сталовая гара (Паўднёвая Афрыка)
From Wikipedia, the free encyclopedia
Сталовая гара (афр.: Tafelberg, англ.: Table Mountain) — гара, размешчаная да паўднёвага захаду ад Кейптаўна на паўднёвым беразе Сталовай бухты, адна з візітных картак горада (яе сілуэт намаляваны на сцягу Кейптаўна). Побач са Сталовай гарой размешчаны вядомыя пікі Дванаццаці Апосталаў, Д’ябла і Ільвінай Галавы. Першы запіс пра яе еўрапейцамі датуецца 1503 годам (Антоніу ды Салданья).
Сталовая гара | |
---|---|
Найвышэйшы пункт | |
Абсалютная вышыня | 1 087 м |
Адносная вышыня | 1 055 м |
Размяшчэнне | |
33°57′44″ пд. ш. 18°24′49″ у. д.HGЯO | |
Краіна | |
Населены пункт | Кейптаўн |
Медыяфайлы на Вікісховішчы |
Вышыня гары 1087 м над узроўнем мора. Платападобная вяршыня паслужыла назвай не толькі для самай гары, але і для ёй падобных, а таксама ў гонар яе названа сузор’е паўднёвага паўшар’я. Сталовая гара складзена з грубазярністых пясчанікаў, мае стромкія схілы, якія пакрыты вечназялёнымі лясамі і хмызнякамі. Флора і фаўна схілаў ахоўваецца, бо там сустракаюцца рэдкія віды, некаторыя з іх эндэмічныя. Клімат на вяршыні Сталовай гары больш халаднаваты і ветраны, чым у Кейптаўне, узімку тэмпература можа спасці ніжэй за 0°С.
Сёння гара пераўтворана ў турыстычны атракцыён. З гары праведзена лінная дарога.