Сатакунта

Сатакунта (фінск.: Satakunta) — вобласць на захадзе Фінляндыі на тэрыторыі былой ляні Заходняя Фінляндыя. Адміністрацыйны цэнтр — г. Поры. Перакладаецца назва «Сто каралеўстваў» (фін. Sata — сто, і фін. Kunta — каралеўства).

Сатакунта
шведск.: Satakunta[1] фінск.: Satakunta
Герб[d] Сцяг
Краіна	Фінляндыя
Гімн	Satakunnan laulu[d][2]
Уваходзіць у	Агенцтва рэгіянальнага кіравання Паўднёва-Заходняй Фінляндыі[d] (2010—?)
Адміністрацыйны цэнтр	Поры
Насельніцтва	215 351 чал. (студзень 2021)[3]
Плошча	8 269,35 км² (студзень 2021)[4]
Код ISO 3166-2	FI-17
Афіцыйны сайт (фін.)
Медыяфайлы на Вікісховішчы

Геаграфія

Размешчана на заходнім узбярэжжы Фінляндыі, на беразе Батнічнага заліва. Значная частка тэрыторыі вобласці занята вадаёмамі. Большасць азёр Сатакунты маюць пясчанае дно і празрыстыя воды. Самае буйнае возера Пюхяярві ў Сякюля, у паўднёвай частцы вобласці. Праз сярэднюю Сатакунту працякае рака Кокемяенёкі і ў паўночнай частцы вобласці цячэ звілістая Карвіянёкі.

Рэльеф роўны. Самыя высокія пункты знаходзяцца ў паўночнай частцы (мясцовасці Ямі ў Яміярві і Алкіянвуоры ў Карвіа, дзе ёсць утвораныя ледавіковым перыядам гранітныя пагоркі).

Сярэдняя і паўднёвая часткі Сатакунты з’яўляюцца земляробчымі раёнамі. Прыморская прырода Сатакунты суровая, але прыгожая. Сярод прыродных славутасцяў — каля двухсот скалістых астравоў архіпелагу Оўрат у Мерыкарвыі, архіпелагі перад Лувія і Раўма, а таксама пясчаны пляж Юютэры.

Зноскі

1. https://kaino.kotus.fi/svenskaortnamn/?a=find&qfind=satakunda Праверана 7 мая 2021.
2. https://satakunta.fi/info/tietopaketti-satakunnasta/satakunnan-maakuntatunnukset/ Праверана 7 мая 2021.
3. http://pxnet2.stat.fi/PXWeb/pxweb/fi/StatFin/StatFin__vrm__vamuu/statfin_vamuu_pxt_11lj.px
4. https://www.maanmittauslaitos.fi/sites/maanmittauslaitos.fi/files/attachments/2021/01/Vuoden_2021_pinta-alatilasto_kunnat_maakunnat.pdf