![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/52/%25D0%259B%25D1%2583%25D0%25BA%25D0%25B0%25D0%25BD%25D1%2596%25D1%258F.png/640px-%25D0%259B%25D1%2583%25D0%25BA%25D0%25B0%25D0%25BD%25D1%2596%25D1%258F.png&w=640&q=50)
Самній
From Wikipedia, the free encyclopedia
Са́мній, састарэлае — Самніум (лац.: Samnium, грэч. Σαυνιτῶν, оскская: Safinim) — гістарычная вобласць старажытнай Італіі, населеная пераважна групай італійскіх плямёнаў самнітаў (гірпіны, пентрыі, карацэны).
![Thumb image](http://upload.wikimedia.org/wikipedia/commons/thumb/5/52/%D0%9B%D1%83%D0%BA%D0%B0%D0%BD%D1%96%D1%8F.png/320px-%D0%9B%D1%83%D0%BA%D0%B0%D0%BD%D1%96%D1%8F.png)
Тэрыторыя Самнія знаходзілася паміж Апуліяй, Луканіяй, Кампаніяй, Лацыем, Піцэнам і абласцямі марсаў і іншых невялікіх народаў. Найбуйнейшымі гарадамі Самнія былі Эзернія, Бавіян і Беневент.
Самній быў слабаразвітай вобласцю з гарыстым рэльефам і невялікай колькасцю ўрадлівых зямель. У сувязі з гэтым асновай эканомікі Самнія была жывёлагадоўля.
На тэрыторыі Самнія праходзілі буйныя бітвы Самніцкіх войн і Саюзніцкай вайны. Падчас грамадзянскай вайны 83—82 да н.э. самніты аказвалі ўпартае супраціўленне Суле, і за гэта Сула раздаў шматлікім са сваіх ветэранаў зямлі ў Самніі, папярэдне адабраўшы іх у самнітаў[1].