Сагавая пальма

Сагавая пальма (Metroxylon sagu) — шматгадовая вечназялёная расліна. Паходзіць з нізінных трапічных лясоў Паўднёва-Усходняй Азіі і Новай Гвінеі.

Сагавая пальма
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя[1] Клас:  Аднадольныя[2] Парадак:  Пальмакветныя Сямейства:  Пальмавыя Падсямейства:  Calamoideae Трыба:  Calameae Род:  Metroxylon Від:  Сагавая пальма
Міжнародная навуковая назва
Metroxylon sagu Rottb., 1783
Выявы на Вікісховішчы ITIS   506732 NCBI   93297 EOL   1138337 GRIN   t:103025 IPNI   668244-1 TPL   kew-126617

Знешні выгляд

Расліны з падземнымі разгалінаванымі каранямі і шматлікімі стваламі вышынёй 8 — 12 м. Лісце перыстае даўжынёй 4 — 6 м. Кветкі з'яўляюцца ва ўзросце 15 — 20 гадоў і пасля прынашэння пладоў адміраюць. Размнажаюцца атожылкамі, якія ўтворацца ў аснаванні ствала пасля перыяду красавання.

Выкарыстанне

З сярэдняй часткі ствала атрымоўваюць сага — прадукт, надзвычай багаты крухмалам. У некаторых частках Новай Гвінеі аладкі з сага з'яўляюцца асноўнай штодзённай ежай. Высушанае лісце і парасткі выкарыстоўваюцца як будаўнічы матэрыял для дахаў, сценак жытла, а таксама плытоў.

• 
  Вытворчасць сага
• 
  Сага
• 
  Дах з лісця сагавай пальмы

Зноскі

1. Ужываецца таксама назва Пакрытанасенныя.
2. Пра ўмоўнасць аднясення апісванай у гэтым артыкуле групы раслін да класа аднадольных гл. раздзел «Сістэмы APG» артыкула «Аднадольныя».

Спасылкі

• Сагавыя пальмы