![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3a/Des_Knaben_Wunderhorn_II_p_007.jpg/640px-Des_Knaben_Wunderhorn_II_p_007.jpg&w=640&q=50)
Рог дастатку
From Wikipedia, the free encyclopedia
Рог дастатку (лац.: cornu copiae, саст. рог дабрабыту) — сімвал дастатку і багацця, які ўзыходзіць да старажытнагрэчаскай міфалогіі.
![Thumb image](http://upload.wikimedia.org/wikipedia/commons/thumb/b/b5/Cornucopias.svg/320px-Cornucopias.svg.png)
Малюецца часцей за ўсё выгнутым, напоўненым кветкамі, пладамі і таму падобным, г.зн. павернутым угару (радзей адлюстроўваецца рог, які вывяргае іх і ўсялякія выгоды, г.зн. павернутым уніз). У творах выяўленчага мастацтва ўкладаецца ў рукі маленькага Плутаса (бога багацця ў старажытнагрэчаскай міфалогіі), Фартуны, Геі, таксама Геракла. У архітэктуры адлюстроўваецца на капітэлях і карнізах, асабліва карынфскага ордара, таксама над скляпеннямі, пад вокнамі і таму падобнымі элементамі будынкаў.
![Thumb image](http://upload.wikimedia.org/wikipedia/commons/thumb/3/3a/Des_Knaben_Wunderhorn_II_p_007.jpg/640px-Des_Knaben_Wunderhorn_II_p_007.jpg)
Уяўленне пра рог дастатку запазычана з старажытнагрэчаскай міфалогіі, у якой ён з'яўляецца прыналежнасцю казы Амальтэі ці Ахелоя (Амалфеін рог, Амалфеяў рог), які абярнуўся ў быка. Выраз сустракаецца ўжо ў паэта VI стагоддзя да н.э. Факіліда: «поле ж, кажуць, рог Амалфеі» [1]. Рог дастатку знаходзіўся ў правай руцэ багіні правасуддзя Феміды.
![]() |
У больш старажытныя часы рог дастатку (як і ўсё, што мела дачыненне да багацця) быў звязаны з Аідам, царствам мёртвых. Рог дастатку належаў богу багацця Плутасу. Не выпадковая моўная блізкасць імёнаў Плутаса ( Πλοῦτος ) і Плутона ( Πλούτων ), уладара царства мёртвых. У сваёй ранняй форме Плутас як і Плутон звязаны з Персефонай. У элеўсінскіх містэрыях Плутас і Плутон атаясамляліся. Апошні лічыўся ўладальнікам незлічоных падземных багаццяў | ![]() |
У Сярэднявеччы рог дастатку быў пераасэнсаваны як Святы Грааль. Той, хто выпіў з чашы Грааля, атрымлівае прабачэнне грахоў, вечнае жыццё і г.д. У некаторых версіях нават блізкае сузіранне дае неўміручасць на некаторы час, а таксама розныя выгоды ў як ежы, пітво і г.д.
Рог дастатку змешчаны на дзяржаўных гербах Гандураса, Калумбіі, Панамы, Перу.