Рагозна (Брэсцкі раён)

У паняцця ёсць і іншыя значэнні, гл. Рагозна.

Раго́зна^[1] (трансліт.: Rahozna, руск.: Рогозно) — вёска ў Брэсцкім раёне Брэсцкай вобласці. Уваходзіць у склад Знаменскага сельсавета. Размешчана за 25 км на поўдзень ад Брэста, 12 км ад чыгуначнай станцыі Дубіца, на р. Спанаўка (прыток р. Заходні Буг), на поўначы меліярацыйныя каналы, на ўсходзе — г. Крушына, вакол лес. 10 км на ўсход ад мяжы з Польшчай, 18 км да поўначы ад мяжы з Украінай. Транспартныя сувязі па прасёлачнай, затым аўтадарозе Брадзяцін—Знаменка.

Вёска Рагозна Краіна Беларусь Вобласць Брэсцкая Раён Брэсцкі Сельсавет Знаменскі Каардынаты 51°49′38″ пн. ш. 23°47′22″ у. д.HGЯO Насельніцтва ▼170 чал. (2019) Часавы пояс UTC+3 Тэлефонны код +375 162 Паштовыя індэксы 225013 Аўтамабільны код 1 СААТА 1212808046 Рагозна на карце Беларусі ±

У складзе адкрытага акцыянернага таварыства «Птушкафабрыка Медна» (цэнтр — в. Медна).

Гісторыя

У 18 стагоддзі вёска вядома пад назвай Рагознечка ў Берасцейскім павеце і ваяводстве. Уладанне паноў Бельскіх, з 1823 года — Галіцкіх і Ясінскіх. У 1868 годзе вёска ў складзе маёнтка Медна ў Мяднянскай воласці. У 1873 годзе ўладальнікам маёнтка быў князь Баратынскі. У студзені 1873 года брэсцкі павятовы спраўнік паведамляў гродзенскаму губернатару, што сяляне в. Рагозна аказалі яму супраціўленне, таму ў вёску была пастаўлена «ваенная экзекуцыя ў размеры адной роты». У 1890 годзе сяляне Рагазнянскага сельскагаспадарчага таварыства мелі 349 дзес. зямлі. Працавала школа граматы.

Паводле Рыжскага мірнага дагавора 1921 года ў складзе Польшчы, у Мяднянскай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну нямецка-фашысцкія акупанты спалілі 124 двары, загубілі 147 жыхароў.

Насельніцтва

• 158 мужчын, 198 жанчын (1868)
• 129 двароў, 801 жыхар (1876)
• 95 двароў, 637 жыхароў (1897)
• 718 жыхароў (1905)
• 61 двор, 342 жыхары (30.9.1921)
• 150 двароў, 600 жыхароў (1941)
• 462 жыхара (1959)
• 638 жыхароў (1970)
• 156 гаспадарак, 347 жыхароў (1997)
• 144 гаспадаркі, 299 жыхароў (2005)

Інфраструктура

• Фельчарска-акушэрскі пункт
• Сельская бібліятэка

Славутасці

• Брацкая магіла (1944) —  Гісторыка-культурная каштоўнасць Беларусі, шыфр 113Д000108шыфр 113Д000108

Вядомыя ўраджэнцы і жыхары

• Джэймс Аляксандр Шохат, амерыканскі матэматык

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)

Літаратура

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх