Стэнлі (Фалклендскія астравы)

Стэнлі, таксама вядомы як Порт-Стэнлі (англ.: Stanley, Port Stanley) — адміністрацыйны цэнтр і адзіны горад Фалклендскіх (Мальвінскіх) астравоў, валодання Вялікабрытаніі, размешчанага ў паўднёва-заходняй частцы Атлантычнага акіяна, у 500 км ад берагоў Паўднёвай Амерыкі. Знаходзіцца на востраве Усходні Фалкленд (Саледад), на беразе Атлантычнага акіяна. Паводле перапісу 2006 года, у Стэнлі пражывала 2115 чалавек. У 5 км на ўсход ад горада ёсць аэрапорт. У горадзе знаходзяцца музей Фалклендскіх астравоў, рэзідэнцыі губернатара і ўрада, а таксама англіканскі кафедральны сабор.

Горад Стэнлі Stanley Герб Сцяг Краіна  Вялікабрытанія Рэгіён Фалклендскія астравы Каардынаты 51°41′31″ пд. ш. 57°51′32″ з. д.HGЯO Вышыня цэнтра 51 м Насельніцтва 2115 чалавек (2006) Часавы пояс UTC-4, летам UTC-3 Афіцыйны сайт falklandislands.com (англ.) Стэнлі на карце Вялікабрытаніі ±

Медыяфайлы на Вікісховішчы

Назва

Назва горада мае некалькі варыянтаў як у англійскай, так і ў іспанскай мове. У англійскай мове ён афіцыйна завецца Стэнлі, аднак часта згадваецца як Порт-Стэнлі, асабліва ў прэсе часоў Фалклендскай вайны, верагодна, у падабенства іншым населеным пунктам на востраве - Порт-Ховарду, Порт-Стывенсу і Порт-Луісу. Гэта пытанне было ўзнятае ў дакладзе брытанскаму дзяржаўнаму сакратару па калоніях у 1956, дзе была вызначаная назва "Стэнлі" як афіцыйная.

У іспанскай мове ён увогуле не мае дакладна вызначанай назвы. Найбольш нейтральным варыянтам з'яўляецца дакладны пераклад з англійскай Пуэрта-Стэнлі. Аднак падчас аргенцінскага кантролю над астравамі ў 1982 выкарыстоўваліся іншыя варыянты: Пуэрта-Рывера (3-4 красавіка), Пуэрта-дэ-ла-Ісла-Саледад (5 красавіка), Пуэрта-дэ-лас-Іслас-Мальвінас (6-20 красавіка), Пуэрта-Архэнтына (выкарыстоўваецца ўрадам Аргенціны з 21 красавіка і да нашага часу).

Гісторыя

Спачатку сталіцай астравоў быў Порт-Луіс, які знаходзіцца на поўнач ад Стэнлі. Аднак затым было прынята рашэнне аб перамяшчэнні сталіцы на новае месца. Так у 1843 годзе пачаліся работы па будаўніцтве горада, а ў 1845 годзе ў яго былі перанесеныя дзяржаўныя ўстановы. Горад быў названы ў гонар лорда Стэнлі, які займаў пасаду Дзяржаўнага сакратара па калоніях.

Клімат

Клімат Стэнлі
Паказчык	Сту	Лют	Сак	Кра	Май	Чэр	Ліп	Жні	Вер	Кас	Ліс	Сне	Год
Абсалютны максімум, °C	26	25	25	18	13	11	12	11	16	18	23	23	26
Сярэдні максімум, °C	14,1	14,0	12,8	10,3	7,4	5,6	5,1	6,0	7,7	9,9	11,9	13,4	9,8
Сярэдняя тэмпература, °C	9,6	9,7	8,6	6,5	4,0	2,5	2,0	2,5	3,8	5,7	7,3	8,8	5,9
Сярэдні мінімум, °C	5,1	5,4	4,5	2,7	0,7	−0,5	−1,2	−1	−0,2	1,5	2,7	4,4	2,0
Абсалютны мінімум, °C	2			−2	−4	−6	−8	−5	−6	−3			−8
Норма ападкаў, мм	63	45	52	50	48	45	41	38	34	36	39	52	544
Крыніца: Falkland Isl climate, Weatherbase

Галерэя

• 
  Кафедральны сабор Крайстчэрч
• 
  Будынак пабудовы 1887 года
• 
  Від з боку бухты
• 
  На беразе бухты

• Горад-пабрацім — Уітбі, Вялікабрытанія.

Спасылкі

• The Toponymy of the Falkland Islands as recorded on Maps and in Gazetteers Архівавана 2 красавіка 2014. The Permanent Committee on Geographical Names for British Official Use.