Плошча 8 Сакавіка (Мінск)

Плошча 8 Сакавіка (ранейшыя назвы: Нізкі рынак, Стары рынак) — адна з цэнтральных плошчаў у Мінску, Беларусь, утворана ў 1931 годзе. Размешчана на ўзвышаным беразе ракі Свіслач. Уяўляе сабой назабудаваную тэрыторыі р. Свіслаччу, вуліцай Нямігай, праспектам Пераможцаў і Домам фізкультурніка^[1].

Плошча 8 Сакавіка
Агульная інфармацыя
Краіна	Беларусь
Населены пункт	Мінск
Ранейшыя назвы	Нізкі рынак, Стары рынак, Ніжні кірмаш
Медыяфайлы на Вікісховішчы

У паняцця ёсць і іншыя значэнні, гл. Плошча 8 Сакавіка.

У XII–XIII стст. тут знаходзілася галоўная гандлёвая плошча горада, званая Нізкім рынкам. Да гэтай плошчы сыходзіліся ўсе знешнія гандлёвыя шляхі. З захаду праходзіла дарога з Ракава і Койданава, з поўдня пралягаў гасцінец з Лошыцы, на ўсходзе ля моста праз Свіслач сыходзіліся дарогі з Вільні, Полацка, Лагойска, Барысава і Смаленска. У розныя гады плошча звалася Стары рынак. У 1928 годзе гандаль на ёй быў спынены, і месца аддалі пад аўтастанцыю. У 1931 годзе ў гонар Міжнароднага жаночага дня Нізкі рынак пераназвалі ў плошчу 8 Сакавіка. Пасля пачатку будаўніцтва станцыі метро «Няміга» ў 1984 годзе яна была ліквідавана, але назва засталася^[1].

Камісія па найменні і пераназванню праспектаў, вуліц, плошчаў і іншых складовых частак Мінска прапанавала ў 2011 годзе вярнуць гістарычную назву – Нізкі рынак^[1].

Зноскі

1. Площади 8 Марта в Минске предлагается возвратить историческое название Архівавана 2 чэрвеня 2011.