Песевічы

Пе́севічы^[1] (трансліт.: Piesievičy, руск.: Песевичи) — вёска ў Іўеўскім раёне Гродзенскай вобласці. Уваходзіць у склад Лелюкінскага сельсавета.

Вёска Песевічы Краіна Беларусь Вобласць Гродзенская Раён Іўеўскі Сельсавет Лелюкінскі Каардынаты 53°52′47″ пн. ш. 26°03′47″ у. д.HGЯO Насельніцтва ▼37 чал. (2009) Часавы пояс UTC+3 Тэлефонны код +375 1595 Паштовы індэкс 231339 Аўтамабільны код 4 СААТА 4229828116 Песевічы на карце Беларусі ±

Гісторыя

Вялікае Княства Літоўскае

У сярэдзіне 17 стагоддзя вёска ў Дудскім старостве Ашмянскага павета Віленскага ваяводства. У 1789 годзе 8 дымоў, 2 валокі зямлі, уласнасць Зяньковічаў.

Пад уладай Расійскай імперыі

У другой палове XIX—пачатку XX ст. вёска ў Лугамавіцкай воласці Ашмянскага павета Віленскай губерні. У 1861 г. 45 рэвізскіх душ, у складзе маёнтка Лугамавічы Мілеўскай. У 1897 г. 30 двароў, 223 жыхары, у 1909 г. 32 двары, 204 жыхары, 188 дзесяцін зямлі.

Найноўшы час

У 1921—1939 гадах у Лугамавіцкай воласці Валожынскага павета Навагрудскага ваяводства Польшчы. У 1921 годзе 35 двароў, 157 жыхароў.

3 12 кастрычніка 1940 года вёска (46 двароў, 231 жыхар) у Чапунскім сельсавеце Юрацішкаўскага раёна. 3 26 чэрвеня 1941 года да 8 ліпеня 1944 год акупаваная нямецка-фашысцкімі захопнікамі. Падчас вайны была спалена.

У 1948 годзе адкрыта пачатковая школа. У 1950 годзе арганізаваны калгас «Маладая гвардыя». 3 1954 годзе у калгасе «17 верасня». 3 16 ліпня 1954 года ў Лежневіцкім сельсавеце. 3 20 студзеня 1960 года ў Іўеўскім раёне. 3 1986 годзе у калгасе «Савецкая Беларусь» і ў Лелюкінскім сельсавеце^[2]. У 1970 г. 145 жыхароў. Цяпер у складзе калгаса «Лежневічы».

У 1999 годзе 25 двароў, 49 жыхароў.

Вядомыя асобы

• Мечыслаў Іосіфавіч Дмухоўскі (1960—2015) — журналіст, адзін з заснавальнікаў Выдавецкага дома «Субяседнік».

Зноскі

1. Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).
2. Рашэнне выканкома Гродзенскага абласнога Савета народных дэпутатаў ад 22 снежня 1986 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1987, № 3 (1881).

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Памяць: Іўеўскі раён Архівавана 5 сакавіка 2016.. - Мінск: Белта, 2002.