Перац чорны

Перац чорны (Piper nigrum) — шматгадовая павойная расліна, від роду перац (Piper) сямейства перцавыя (Piperaceae).

Перац чорны
Перац чорны з няспелымі пладамі
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя[1] Клас:  Двухдольныя[2] Парадак:  Перачнакветныя Сямейства:  Перцавыя Род:  Перац Від:  Перац чорны
Міжнародная навуковая назва
Piper nigrum L.
Сістэматыка на Віківідах Выявы на Вікісховішчы ITIS   18310 NCBI   13216 EOL   596620 GRIN   t:28589 IPNI   682369-1 TPL   kew-2569664

Расліна культывуецца дзеля пладоў, з якіх шляхам рознай апрацоўкі атрымліваюць такія вострыя прыправы, як чорны перац, белы перац, зялёны перац і ружовы перац (пад назвамі зялёны перац і ружовы перац таксама вядомыя плады іншых раслін, якія не маюць дачынення да чорнага перцу). Гэтыя вострыя прыправы ўжываюцца як у молатам выглядзе, так і гарошкам.

Батанічнае апісанне

Ліяна даўжынёй да 15 м з паветранымі каранямі, якія ўтвараюцца на вузлах. Лісце простае, яйкападобнае, скурыстае, чаргавальнае, даўжынёй 80—100 мм. Кветкі дробныя, шэра-жоўтыя ці белыя, сабраныя ў друзлыя суквецці даўжынёй 7—10 см. Плод — круглявая аднасямянка-касцянка 3—5 мм у дыяметры, зялёная, пры паспяванні чырванее, высушаная — чорная. Катахі даўжынёй 80—140 мм ўтрымліваюць 20—30 касцянак. Пладаносіць 2 разы на год на працягу 25—30 гадоў.

Зноскі

1. Ужываецца таксама назва Пакрытанасенныя.
2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».