Палыкавіцкая крыніца

Палыкавіцкая крыніца — крыніца, якая знаходзіцца ў Магілёўскай вобласці на паўднёвым захадзе вёскі Палыкавічы^[2]. Помнік прыроды рэспубліканскага значэння. Побач з крыніцай знаходзіцца капліца Святой Параскевы і купальня^[3].

Палыкавіцкая крыніца
Крыніца і капліца св. Параскевы Пятніцы
Катэгорыя МСАП — III (Помнік прыроды)
Размяшчэнне	Беларусь, а. Палыкавічы, Магілёўская вобласць
Плошча	14200[1]
Дата заснавання	1983[2]
Палыкавіцкая крыніца
Палыкавіцкая крыніца

Гісторыя

Крыніца вядома з 1552 года^[4].

Згадана расійскім акадэмікам В. М. Севяргіным  (руск.) у 1802 годзе: «…знаходзіцца мінеральная крыніца з вялікім утрыманнем у яе вадзе вуглекіслаты. Таксама там знаходзіцца капліца»^[2][5].

Каля крыніцы быў пабудаваны каменны грот з калодзежам, абітым ацынакаванымі лістамі. 3 крыніцы па трубах вада падавалася ў вялікі басейн (змяшчаў аж 100 вёдзер). Лекавая моц крыніцы была настолькі шырока вядомай, што да яе прыязджалі нават здалёк^[2].

Ахоўны знак

У 1859 годзе ўпершыню быў зроблены хімічны аналіз палыкавіцкай вады, які пацвердзіў яе лекавыя ўласцівасці^[2].

У 1983 годзе крыніца была аб’яўлена помнікам прыроды^[2][6].

Геаграфія і гідралогія

Крыніца

Крыніца знаходзіцца на дне глыбокага яру, парослага лесам. Яна з’яўляецца вытокам невялікага ручая, які ўпадае ў Дняпро за 150 м ад крыніцы. Расход вады складае больш за 100 м³ у суткі^[2][7].

Хімічны склад вады

Вада гідракарбанатная, кальцыевая, канцэнтрацыя фтору адносна высокая — 0,49 мг/л. PH вады — каля 7,5^[2].

Зноскі

1. Памятники природы республиканского значения. Могилёвская область (руск.)
2. Праект «Палыкавіцкая крыніца» Архівавана 10 чэрвеня 2011.
3. Палыкавіцкая крыніца(недаступная спасылка)
4. Вадохрышча ў Магілёве, на Палыкавіцкай крыніцы
5. В. М. Севергин. Записки путешествия по западным провинциям российского государства
6. Рашэнне № 8/2 ад 28 красавіка 1983 г. Дзяржаўнага камітэта БССР па ахове прыроды
7. Асабліва аховаемыя прыродныя тэрыторыі Магілёўскай вобласці / Пад. рэд. Д. Г. Груммо, Л. М. Шадракова, В. Я. Шуцько, Ч. А. Раманоускага . — Магілёўскі абласны камітэт рэсурсаў і аховы навакольнага асяроддзя, 1999. — С. 114.

Літаратура

• В. М. Севергин. Записки путешествия по западным провинциям российского государства
• Асабліва аховаемыя прыродныя тэрыторыі Магілёўскай вобласці / Пад. рэд. Д. Г. Груммо, Л. М. Шадракова, В. Я. Шуцько, Ч. А. Раманоускага. — Магілёўскі абласны камітэт рэсурсаў і аховы навакольнага асяроддзя, 1999. — С. 114.

Спасылкі

• Праект «Палыкавіцкая крыніца» Архівавана 10 чэрвеня 2011.
• Святой источник — Полыковичская криница(недаступная спасылка) (руск.)
• Фатаграфіі крыніцы Архівавана 18 снежня 2010.