Нельсан Піке

Нельсан Піке Соўту Маёр (парт.: Nelson Piquet Souto Maior; нар. 17 жніўня 1952, Рыа-дэ-Жанейра, Бразілія) — бразільскі аўтагоншчык, трохразовы чэмпіён свету ў класе Формула-1 (1981, 1983, 1987). Бацька гоншчыка Нэльсана Піке-малодшага.

Нельсан Піке
Агульная інфармацыя
Пол	мужчынскі пол
Спецыялізацыя	аўтаспорт[d]
Нарадзіўся	17 жніўня 1952(1952-08-17)[1] (72 гады) Рыа-дэ-Жанэйра, Старая Федэральная акруга[d], Бразілія
Грамадзянства	Бразілія
Альма-матар	University of Brasília[d]
Рост	174 см
Вага	67 кг
Медыяфайлы на Вікісховішчы

У паняцця ёсць і іншыя значэнні, гл. Піке.

Нельсан — малодшае дзіця ў сям’і, у яго ёсць два старэйшых брата і адна сястра.

Бацька гоншчыка — Эстасіа Гансалвес Соўту Маёр, бразільскі дзяржаўны дзеяч, міністр аховы здароўя ў 1961—1964 гадах пры прэзідэнце Жуане Гуларце. Бацька быў супраць захаплення сына аўтагонкамі, жадаючы, каб той стаў тэнісістам. Нельсан пачаў гуляць у тэніс у 11 гадоў, выйграваў некаторыя юнацкія турніры ў Бразіліі, займаўся ў тэнісным цэнтры ў Каліфорніі, дзе вывучыў англійскую. Аднак супраць волі бацькі Нельсан усё ж выбраў кар’еру аўтагоншчыка, і таму ў юнацтве выкарыстаў дзявоцкае прозвішча маці, злёгку яго змяніўшы. Прыйшоў у Формулу-1 праз нацыянальны чэмпіянат па картынгу і чэмпіянат Формула-3000.

У чэмпіянаце свету па аўтагонках у класе Формула-1 удзельнічаў бесперапынна на працягу 14 сезонаў. Тройчы за сем гадоў (1981, 1983 і 1987) станавіўся чэмпіёнам свету, што робіць яго адным з найбольш паспяховых гоншчыкаў сучаснасці. Акрамя трох тытулаў чэмпіёна яшчэ адзін раз быў у чэмпіянаце другім і двойчы трэцім. Характэрна, што ў кожным з сваіх чэмпіёнскіх сезонаў Піке атрымліваў усяго па тры перамогі. Асабліва ўпартай для Піке атрымалася барацьба за першы тытул у 1981 годзе — аргенцінец Карлас Райтэман адстаў усяго на адно ачко, а чэмпіён свету 1980 года аўстраліец Алан Джонс — на 4. У той жа год, калі Піке атрымаў максімальныя за кар’еру 4 перамогі (1986), бразілец застаўся толькі на трэцім месцы ў чэмпіянаце.

Зноскі

1. Nelson Piquet // Brockhaus Enzyklopädie Праверана 9 кастрычніка 2017.

   <a href='https://wikidata.org/wiki/Track:Q237227'></a>