Міністэрства сельскага будаўніцтва БССР

Міністэ́рства се́льскага будаўні́цтва Белару́скай ССР было ўтворана ў 1965 годзе.

Міністэрства сельскага будаўніцтва БССР
скарочана — Мінсельбуд
Пячаткі ўсіх міністэрстваў БССР выкарыстоўвалі герб БССР
Будынак Міністэрства сельскага будаўніцтва БССР
Агульная інфармацыя
Краіна	БССР
Юрысдыкцыя	БССР
Дата стварэння	21 кастрычніка 1965
Дата скасавання	1 лютага 1986
Заменена на	Дзяржаўны аграпрамысловы камітэт Беларускай ССР
Вышэйшае ведамства	Савет Міністраў БССР
Штаб-кватэра	вул. Камсамольская, 12, Мінск 220616

У 1985 годзе Міністэрства сельскага будаўніцтва БССР спыніла сваю дзейнасць; на базе Міністэрства сельскага будаўніцтва, Міністэрства сельскай гаспадаркі, Міністэрства пладовагароднінай гаспадаркі, Міністэрства мясной і малочнай прамысловасці, Міністэрства харчовай прамысловасці, і Дзяржаўнага камітэта БССР па вытворча-тэхнічным абслугоўванні быў утвораны Дзяржаўны аграпрамысловы камітэт Беларускай ССР^[1].

Структура на 1974 год

• Аддзел аўтатранспарту
• Аддзел металаў
• Аддзел механізацыі
• Аддзел падрадных работ
• Вытворчы аддзел
• Аддзел спецработ
• Транспартны аддзел
• Бюро праектна-канструктарскае (вул. Серафімавіча, 7)^[2].

Міністры

• Станіслаў Батурын (1965 — 1967)
• Мікалай Васілевіч Кашчэеў (1967 — 1975)
• Віктар Дзмітрыевіч Даніленка (1976 — 1980)
• Леанід Максімавіч Чура (1980 — 1985)

Крыніцы

1. Пастанова ЦК КПБ і Савета Міністраў БССР ад 22 лістапада 1985 года № 357 «Аб мерах па выкананні пастановы ЦК КПСС і Савета Міністраў СССР ад 14 лістапада 1985 года № 1114 «Аб далейшым удасканаленні кіравання аграпрамысловым комплексам».
2. МИНСК. Краткая адресно-справочная книга (руск.)

Літаратура

• Фонды Нацыянальнага архіва Рэспублікі Беларусь
• Высшие органы государственной власти и центрального управления Белорусской ССР. Ч. 2. – Мн., 2000. – С. 91-94.