Мікіта Віктаравіч Навумаў

У Вікіпедыі ёсць артыкулы пра іншых людзей з прозвішчам Навумаў.

Мікіта Навумаў (нар. 15 лістапада 1989) — беларускі футбаліст, абаронца клуба «Віцебск». Ігрок нацыянальнай зборнай Беларусі (2017—2021).

Мікіта Навумаў
Агульная інфармацыя
Поўнае імя	Мікіта Віктаравіч Навумаў
Нарадзіўся	15 лістапада 1989(1989-11-15)[1] (34 гады) Віцебск, Віцебская вобласць, БССР, СССР[2]
Грамадзянства	Беларусь
Рост	194 см
Вага	90 кг[2]
Пазіцыя	абаронца
Інфармацыя пра клуб
Клуб	Віцебск
Нумар	23
Клубная кар’ера[* 1]
2007—2015 Нафтан (Наваполацк) 107 (3) 2010 →  Полацк 27 (3) 2011 →  Полацк 13 (2) 2016—2018 Віцебск 77 (5) 2019—2020 Жэтысу (Талдыкарган) 47 (4) 2021—2022 Дынама (Мінск) 34 (2) 2023 Кызыл-Жар (Петрапаўлаўск) 20 (0) 2024— Віцебск
Нацыянальная зборная[* 2]
2017 Беларусь B 2 (0) 2017—2021 Беларусь 14 (1)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 16 студзеня 2024. Колькасць гульняў і галоў за нацыянальную зборную ў афіцыйных матчах, адкарэктавана станам на 18 лістапада 2021

Клубная кар’ера

Выхаванец віцебскай ДЮСШ-6, з 2007 года гуляў за наваполацкі «Нафтан». Сезон 2010 і другую палову сезона 2011 правёў у арэндзе ў «Полацку».

У сезоне 2012 стала трапляў у аснову наваполацкага клуба, а ў 2013 годзе замацаваўся ў асноўным складзе на пазіцыі цэнтральнага абаронцы. У студзені 2016 года пакінуў «Нафтан»^[3].

Пасля зыходу з «Нафтана» адправіўся на прагляд у «Белшыну»^[4], аднак у лютым стаў іграком «Віцебска»^[5]. У «Віцебску» стаў асноўным цэнтральным абаронцам. З ліпеня па кастрычнік 2016 года не гуляў з-за траўмы, пасля вярнуўся ў стартавы склад.

У студзені 2019 года адправіўся на прагляд у казахстанскі клуб «Жэтысу» і ў выніку падпісаў з ім кантракт^[6]. У складзе «Жэтысу» стаў асноўным абаронцам. У студзені 2020 года падоўжыў кантракт з клубам^[7]. Выконваў функцыі капітана каманды.

У студзені 2021 года стала вядома, што Навумаў разам з іншымі беларускімі ігракамі пакінуў «Жэтысу»^[8]. Неўзабаве абаронца падпісаў пагадненне з мінскім «Дынама»^[9]. У сезоне 2021 быў іграком стартавага складу, толькі ў верасні і кастрычніку не гуляў з-за траўмы. Сезон 2022 таксама пачынаў у якасці іграка асновы, але з лета стаў звычайна заставацца на лаўцы запасных. У снежні 2022 года па заканчэнні кантракта пакінуў сталічны клуб^[10].

У пачатку 2023 года трэніраваўся з казахстанскім «Атырау», а пазней далучыўся да «Кызыл-Жара», у складзе якога пачаў сезон 2023^[11]. У студзені 2024 года вярнуўся ў Беларусь, стаўшы іграком «Віцебска»^[12].

Міжнародная кар’ера

У ліпені 2017 года выступаў за другую зборную Беларусі на Кубку Караля ў Тайландзе. 9 лістапада 2017 года дэбютаваў у нацыянальнай зборнай Беларусі, выйшаўшы ў стартавым складзе ў таварыскім матчы супраць Арменіі (1:4).

Дасягненні

• 03 Бронзавы прызёр чэмпіянату Беларусі: 2021
• Уладальнік Кубка Беларусі: 2012
• У спісе 22 найлепшых ігракоў чэмпіянату Беларусі: 2018

Статыстыка выступленняў

Сезон	Дывізіён	Клуб	Краіна	Матчы	Галы
2007	дубль	Нафтан		10	0
2008	дубль	Нафтан		29	2
2009	дубль	Нафтан		25	0
2010	Д2	Полацк		27	3
2011 (1)	Д1	Нафтан		3	0
2011 (2)	Д2	Полацк		13	2
2012	Д1	Нафтан		21	0
2013	Д1	Нафтан		29	2
2014	Д1	Нафтан		30	0
2015	Д1	Нафтан		24	1
2016	Д1	Віцебск		20	1
2017	Д1	Віцебск		29	1
2018	Д1	Віцебск		28	3
2019	Д1	Жэтысу		30	4
2020	Д1	Жэтысу		17	0
2021	Д1	Дынама		19	2
2022	Д1	Дынама		15	0
2023	Д1	Кызыл-Жар		20	0

Крыніцы

1. Nikita Naumov // Transfermarkt — 2000. Праверана 9 кастрычніка 2017.

   <a href='https://wikidata.org/wiki/Track:Q2449070'></a>
2. https://dinamo-minsk.by/blr/asnouny-sklad/2022/navumau-mikita
3. "Нафтан" расстался с Наумовым и Лебедевым (руск.). football.by (11 студзеня 2016). Праверана 16 студзеня 2024.
4. Богунов и Наумов пройдут просмотр в «Белшине» (руск.). by.tribuna.com.
5. Наумов подписал контракт с "Витебском" (руск.). football.by (7 лютага 2016). Праверана 16 студзеня 2024.
6. Никита Наумов и Ненад Адамович стали игроками "Жетысу" (руск.)(недаступная спасылка). football.by (26 студзеня 2019). Архівавана з першакрыніцы 16 студзеня 2024. Праверана 16 студзеня 2024.
7. Наумов продлил контракт с "Жетысу" (руск.). football.by (10 студзеня 2020). Праверана 16 студзеня 2024.
8. Все белорусы покинули "Жетысу" (руск.). football.by (18 студзеня 2021). Праверана 16 студзеня 2024.
9. Минское "Динамо" объявило о подписании контракта с Никитой Наумовым (руск.). football.by (19 студзеня 2021). Праверана 16 студзеня 2024.
10. Хаткевич, Козлов и Наумов покинули минское "Динамо" (руск.). football.by (19 снежня 2022). Праверана 16 студзеня 2024.
11. Варатар Сцяпанаў і абаронца Навумаў патрапілі ў заяўку «Кызыл-Жара» на сезон у Д1 Казахстана (нявызн.). by.tribuna.com (3 сакавіка 2023). Праверана 3 сакавіка 2023.
12. "Витебск" объявил о возвращении Никиты Наумова (руск.). football.by (4 студзеня 2024). Праверана 16 студзеня 2024.