Махамат Хасан Булмае

Махамат Хасан Булмае (фр.: Mahamat Hassan Boulmaye; нар. 20 чэрвеня 1972, Нджамена, Чад^[1]) — лідар чадскай узброенай групоўкі «Савет ваеннага камандавання выратавання рэспублікі»^[2].

Махамат Хасан Булмае
Дата нараджэння	20 чэрвеня 1972(1972-06-20) (52 гады)
Месца нараджэння	Нджамена, Чад
Прыналежнасць	Аб’яднанне сіл за дэмакратыю і развіццё → Фронт перамен і згоды ў Чадзе →Савет ваеннага камандавання выратавання рэспублікі
Бітвы/войны	Другая грамадзянская вайна ў Чадзе, Паўстанне ў Паўночным Чадзе

Біяграфія

З 1991 па 1996 год вучыўся ў ліцэі Фелікса Эбуэ ў Нджамене, дзе атрымаў ступень бакалаўра. Затым паступіў на факультэт моў і сацыяльных навук Універсітэта Бліды ў Алжыры, дзе ў 2001 годзе атрымаў ступень магістра па спецыяльнасці выкладанне французскай мовы як замежнай. Пасля прадоўжыў вучобу ва Універсітэце Франсуа-Рабле ў Туры. У 2005 годзе атрымаў дыплом DEA па сучаснай і параўнальнай літаратуры. Булмае абараніў дысертацыю, але пасля кінуў вучобу, каб удзельнічаць ва ўзброенай барацьбе.

Спачатку ён далучыўся да Аб’яднання сіл за дэмакратыю і развіццё, дзе быў на пасадах генеральнага скарбніка і камісара сувязі^[1]. У 2009 годзе часова пакінуў паўстанцкую дзейнасць. У 2016 годзе далучыўся да «Фронту перамен і згоды ў Чадзе». Пазней стварыў уласную групоўку «Савет ваеннага камандавання выратавання рэспублікі»^[1].

4 кастрычніка 2017 г. Бумае быў арыштаваны ў Агадэсе ў Нігеры^[3]. Разам з ім затрымалі яшчэ двух чалавек, у тым ліку яго прэс-сакратара Ахмата Якуба Адама. Абвінавачаныя дзеючай уладай у тэрарызме Булмае і яго паплечнікі былі экстрадаваны ў Чад ў маі 2018 года і ўтрымліваліся ў турме Кара Тора^[4].

6 чэрвеня 2019 Махамат Хасан Булмае і Ахмат Якуб Адам Апеляцыйным судом Нджамены прызнаны вінаватымі ва ўдзеле ў паўстанцкім руху і прысуджаны да пажыццёвага зняволення^[5].

Зноскі

1. Le Tchad n'appartient à personne" Mahamat Hassane Boulmaye lance un appel depuis la frontière libyenne (interview makaila.fr) (нявызн.)(недаступная спасылка). Архівавана з першакрыніцы 23 красавіка 2021. Праверана 20 красавіка 2021.
2. Le Tchad protégé par la diplomatie d’Idriss Déby Архівавана 17 красавіка 2019.
3. Le Niger s’apprête à extrader le rebelle tchadien Mahamat Hassan Boulmaye
4. Trois opposants tchadiens extradés par le Niger vers le Tchad? Ndjamena nie - Bamada.net
5. Tchad: prison à vie pour deux responsables du groupe rebelle CCMSR - RFI