Мажэйкей

Мажэйкей (літ.: Mažeikiai) — горад у паўночна-заходняй Літве, на мяжы з Латвіяй, размешчаны на рацэ Вянта. Насельніцтва — 40 800 чалавек. Горад з’яўляецца адміністрацыйным цэнтрам Мажэйкейскага раёна, які уваходзіць у склад Цяльшэйскага павета.

Горад Мажэйкей літ.: Mažeikiai Герб Сцяг Краіна  Літва Павет Цяльшэйскі Раён Мажэйкейскі Каардынаты 56°18′40″ пн. ш. 22°20′10″ у. д.HGЯO Першая згадка 1529 Горад з 1924 Плошча 16,35 км² Вышыня цэнтра 81 м і 70 м Тып клімату умерана-кантынентальны Водныя аб’екты Вэнта Насельніцтва ▲33 249 чал. (1 студзеня 2023)[1] Часавы пояс UTC+2, летам UTC+3 Паштовыя індэксы 89001[2], 89016[2] і 89021[2] Афіцыйны сайт mazeikiai.lt Мажэйкей на карце Літвы

Медыяфайлы на Вікісховішчы

Гісторыя

Упершыню горад узгадваецца ў 1335 годзе. У хроніцы Лівонскага ордэна гаворыцца аб паходзе ордэнскага войска, пад час якога былі разрабаваныя землі князя Мажэйкі.

Горад пачаў хутка развівацца ў 1869 годзе, калі праз яго прайшла галіна чыгункі Вільня — Лібава. У 1893 годзе, у горадзе было ўжо 13 крамаў і 5 бровараў. У 1894 годзе тут была пабудаваная царква, у 1902 годзе каталіцкі касцёл, а ў 1806 — лютэранская кірха.

У 1924 годзе Мажэйкей атрымаў статус горада.

Сучасны Мажэйкей з’яўляецца прамысловым цэнтрам Паўночнай Літвы, тут знаходзіцца нафтапераапрацоўчае прадпрыемства «Mažeikių Nafta».

Гарады пабрацімы

• Плоцк, Польшча
• Наваполацк, Беларусь
• Салдус, Латвія
• Пайдэ, Эстонія
• Марыба, Данія

Вядомыя асобы

• Гедрэ Паўгайтэ (нар. 1990) — літоўская баскетбалістка.

Зноскі

1. Resident population by city / town at the beginning of the year — State Data Agency of Lithuania, 2023. Праверана 12 лютага 2023.

   <a href='https://wikidata.org/wiki/Track:Q112626509'></a><a href='https://wikidata.org/wiki/Track:Q12663462'></a>
2. http://www.post.lt/lt/index.html?id=222#2

Спасылкі

• На Вікісховішчы ёсць медыяфайлы па тэме Мажэйкей
• Гісторыя горада