![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e3/Granite_gran_violet.jpg/640px-Granite_gran_violet.jpg&w=640&q=50)
Магматычныя горныя пароды
From Wikipedia, the free encyclopedia
Магматы́чныя го́рныя паро́ды[1] — горныя пароды, якія ўтварыліся з расплаўленай магмы пры яе зацвярдзенні і крышталізацыі.
![Thumb image](http://upload.wikimedia.org/wikipedia/commons/thumb/e/e3/Granite_gran_violet.jpg/320px-Granite_gran_violet.jpg)
![Thumb image](http://upload.wikimedia.org/wikipedia/commons/thumb/0/08/BasaltUSGOV.jpg/320px-BasaltUSGOV.jpg)
У залежнасці ад умоў зацвярдзення магмы ў нетрах Зямлі або на яе паверхні адрозніваюць інтрузіўныя горныя пароды і эфузіўныя горныя пароды.
Сярод магматычных горных парод пераважаюць сілікаты. Па колькасці крэмнязёму (SiO2) яны падзяляюцца на кіслыя (>65 %, граніты, рыяліты, дацыты), сярэднія (55—65 %, гранітадыярыты, дыярыты, андэзіты), асноўныя (40—55 %, габра, базальты, піраксеніты) і ультраасноўныя (<40 %, дуніты, алівініты, перыдатыты).
Горныя пароды магматычнага паходжання складаюць асноўную частку аб’ёму зямной кары. Яны развіты ў складкавых абласцях, падмурку і чахле платформ, на шчытах, у сучасным акіяне.
З магматычнымі пародамі звязаны карысныя выкапні: медзь, волава, вальфрам, золата, плаціна, тытан, магній, нікель, хром, апатыты і інш. Магматычныя горныя пароды выкарыстоўваюцца як будаўнічы матэрыял (лабрадарыты, туфы і інш.), абразіўны і цеплаізаляцыйны (пемза, перліт), як сыравіна для вылучэння каштоўных кампанентаў.
На тэрыторыі Беларусі прысутнічаюць усе тыпы і групы магматычных горных парод[1].